Այնուամենայնիվ, դուք կարող եք նվազեցնել խոլեցիստիտի ռիսկը, եթե ձեռնարկեք լեղապարկի քարերի առաջացումը կանխարգելող որոշ քայլեր:
Ավելորդ քաշից ազատվեք դանդաղորե՛ն. քաշի կտրուկ անկումը կարող է բարձրացնել լեղապարկի քարերի առաջացման ռիսկը: Եթե ցանկանում եք քաշ գցել, արեք դա աստիճանաբար: Պետք չէ նիհարել ավելի արագ, քան շաբաթական 0,5-1 կիլոգրամ:
Պահպանե՛ք առողջ քաշ. ավելցուկային քաշը բարձրացնում է լեղապարկի քարերի առաջացման ռիսկը: Մարմնի քաշը կարգավորելու համար կրճատեք կալորիաները և ավելացրեք ֆիզիկական ակտիվությունը: Պահպանեք առողջ քաշը՝ շարունակելով ճիշտ սնվելը և կանոնավոր վարժանքները:
Ընտրե՛ք առողջ սննդակարգ. ճարպերով հարուստ և բջջանքից աղքատ սննդակարգը կարող է բարձրացնել լեղապարկի քարերի ռիսկը: Վերջինս կրճատելու համար ընտրեք մրգերով, բանջարեղեններով և ամբողջահատիկ մթերքներով հարուստ սննդակարգ:
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: Հեղինակային բոլոր իրավունքները պատկանում են Մեդեքսին։
