Խոլեցիստիտը լեղապարկի բորբոքումն է:
Լեղապարկը փոքր, տանձաձև օրգան է փորի (որովայնի) աջ կողմում՝ լյարդի տակ։ Լեղապարկը պարունակում է մարսողական հեղուկ (լեղի), որն անհրաժեշտ պահին արտազատվում է բարակ աղի և մասնակցում մարսողությանը:
Դեպքերի մեծ մասում լեղաքարերը, որոնք փակում են լեղապարկից դուրս եկող խողովակը (ծորանը), առաջացնում են խոլեցիստիտ: Սա հանգեցնում է լեղու կուտակման և լեղապարկի բորբոքման: Խոլեցիստիտի այլ պատճառներից են լեղուղիների խնդիրները, ուռուցքները, ծանր հիվանդությունները և որոշակի վարակները:
Խոլեցիստիտը կարող է առաջացնել ուժեղ ցավեր, որը կոչվում է լեղային խիթ կամ կոլիկա (սուր խոլեցիստիտ) և պահանջել շտապ բժշկական օգնություն: Ախտանիշները կարող են ինքնուրույն մեղմանալ, սակայն հիվանդությունը կրկնվելու մեծ հակում ունի (քրոնիկ խոլեցիստիտ):
Չբուժվելու դեպքում խոլեցիստիտը կարող է հանգեցնել ծանր, երբեմն կյանքին սպառնացող բարդությունների, օրինակ՝ լեղապարկի պատռվածքի: Խոլեցիստիտի բուժումը հաճախ ներառում է լեղապարկի վիրահատական հեռացում:
Հոդվածը հրապարակվել է՝ 08-05-2018
Վերջին վերանայում՝ 29-05-2024