Խոլեցիստիտ. ախտանիշներ

Խոլեցիստիտ. ախտանիշներ

Սուր խոլեցիստիտի կամ քրոնիկ խոլեցիստիտի սրացման ախտանիշները հաճախ զարգանում են մեծ քանակով կամ ճարպոտ սնունդ ընդունելուց հետո:

Ոչ հազվադեպ, նման դեպքերը գնահատվում են որպես մարսողության («ստամոքսի») խանգարում, եթե ցավերը չեն տեղայնացվել աջ կողաղեղի տակ կամ չեն ստացել սաստիկ բնույթ:

Լեղապարկի բորբոքման ավելի հաճախ հանդիպող գանգատներից են՝

  • ուժեղ ցավեր որովայնի վերին-աջ մասում (լեղային խիթ)՝ կողաղեղից անմիջապես ներքև (աջ թուլակող) կամ որովայնի կենտրոնում
  • ցավեր, որոնք ճառագայթվում են դեպի աջ ուսը կամ թիկունքը
  • շոշափելիս կամ հպվելիս՝ որովայնի պատի լարվածություն
  • սրտխառնոց և (կամ) փսխում
  • ջերմության բարձրացում:

Չբուժված խոլեցիստիտը կարող է հանգեցնել լուրջ բարդությունների:

Ե՞րբ դիմել բժշկին

Դիմեք բժշկին, եթե ունեք անհանգստացնող գանգատներ և ինքնազգացողության վատացում: Եթե ցավերը կամ վատ ինքնազգացողությունը թույլ չեն տալիս ինքնուրույն այցելել բժշկական կենտրոն, խնդրեք ընկերներից մեկնումեկին կամ, ծայրահեղ դեպքում, զանգեք 1-03 և կանչեք շտապբուժօգնություն:

Հոդվածը վերանայվել է՝ 03-06-2021