Խոլեցիստիտի գանգատներն ու ախտանիշները հաճախ առաջանում են ճաշից հետո, հատկապես՝ մեծ քանակությամբ կամ ճարպոտ (յուղոտ) սնունդ օգտագործելիս:
Խոլեցիստիտի գանգատներն ու ախտանիշները կարող են ներառել՝
- ուժեղ ցավ (լեղային խիթ) ձեր որովայնի վերին-աջ մասում՝ կողաղեղի տակ (աջ թուլակող) կամ որովայնի կենտրոնում
- ցավ, որը ճառագայթվում է դեպի աջ ուսը կամ թիկունքը
- շոշափելիս կամ հպվելիս՝ որովայնի պատի ցավոտություն և լարվածություն
- սրտխառնոց
- փսխում
- ջերմություն:
Ե՞րբ դիմել բժշկին
Պայմանավորվեք և արտահերթ այցելեք ձեր բժշկին, եթե ունեք անհանգստացնող ախտանիշներ: Եթե ձեր որովայնային ցավն այնքան ուժեղ է, որ չեք կարող հանգիստ նստել կամ հարմարավետ դիրք ընդունել, խնդրեք ինչ-որ մեկին, որ ձեզ տեղափոխի մոտակա վիրաբուժական բաժանմունք կամ, ծայրահեղ դեպքում, զանգեք 1-03 և կանչեք շտապ օգնություն:
Հոդվածը հրապարակվել է՝ 06-05-2020
Վերջին վերանայում՝ 29-05-2024