Նկարագիր - Կլաստերային գլխացավ

Կլաստերային գլխացավերը, որոնք առաջանում են շրջափուլային (ցիկլային) կամ կլաստերային ժամանակաշրջաններում, գլխացավի ամենացավոտ տեսակներից են:

Կլաստերային գլխացավը սովորաբար արթնացնում է ձեզ գիշերվա կեսին ձեր գլխի մի կողմի մեկ աչքի շրջանում կամ շուրջը ուժեղ ցավով:

Հաճախակի նոպաների բռնկումները, որոնք հայտնի են որպես կլաստերային շրջաններ, կարող են տևել շաբաթներից մինչև ամիսներ, որոնց սովորաբար հաջորդում են ախտադադարի (ռեմիսիայի) շրջանները, երբ գլխացավերը դադարում են: Ռեմիսիայի ժամանակ գլխացավեր չեն առաջանում ամիսներով, երբեմն նույնիսկ տարիներով:

Բարեբախտաբար, կլաստերային գլխացավը հազվադեպ է և կյանքին վտանգ չի ներկայացնում: Բուժումները կարող են կլաստերային գլխացավերի նոպաները դարձնել ավելի կարճ և ավելի քիչ ծանր: Բացի այդ, դեղամիջոցները կարող են նվազեցնել ձեր մոտ առկա կլաստերային գլխացավերի քանակը: