Գրադարան
Բերանային հերպես. կանխարգելում
2 րոպե
Ձեր բժիշկը կարող է ձեզ հակավիրուսային դեղամիջոց նշանակել, որը դուք պետք է կանոնավոր կերպով ընդունեք, եթե տարեկան ինը անգամից ավելի բերանային հերպես եք ունենում կամ եթե լուրջ բարդությունների վտանգի տակ եք:
Եթե արևի ճառագայթները նպաստում են հասարակ հերպեսի կրկնմանը, բժիշկը կարող է խորհուրդ տալ, որ օգտագործեք արևապաշտպան քսուքներ այն շրջաններում, որտեղ առաջանում է ցանը: Զրուցեք բժշկի հետ որևէ ներքին ընդունման (օրալ) հակավիրուսային դեղամիջոցի կանխարգելիչ օգտագործման վերաբերյալ, եթե կարծում եք, որ որևէ գործով զբաղվելը կարող է խթանել հիվանդության կրկնությանը:
Եթե կարծում եք, որ ձեր ռեցիդիվների (վարակի կրկնության) պատճառը արևի ճառագայթներն են, օգտագործեք արևապաշտպան քսուք այն տեղում, որտեղ բերանային հերպես հակված է առաջանալու: Կամ խոսեք ձեր բժշկի հետ որպես կանխարգելիչ միջոց բերանային (օրալ) հակավիրուսային դեղամիջոց օգտագործելու մասին, եթե ակնկալում եք, որ պետք է զբաղվեք այնպիսի գործունեությունով, որը կարող է հրահրել ձեր վրակի կրկնությունը:
Բերանային հերպեսն այլ մարդկանց կամ ձեր մարմնի այլ մասերում չտարածելու համար դուք կարող եք փորձել հետևյալ նախազգուշական միջոցներից մի քանիսը:
- Խուսափեք մարդկանց հետ համբուրվելուց և մաշկի շփումից, երբ առկա են բշտիկներ. վիրուսն ավելի հեշտությամբ է տարածվում, երբ բշտիկներից հեղուկ է արտահոսում։
- Խուսափեք անձնական միջոցների համատեղ օգտագործումից. սպասքի պարագաների, սրբիչների, թաշկինակների, շրթներկների, շրթունքների բալզամների և նույնիսկ հերպեսի դեմ օգտագործվող քսուքների կամ նրբաքսուքների (կրեմների) համատեղ օգտագործումը կարող է տարածել վիրուսը, եթե առկա են բշտիկներ:
- Ձեր ձեռքերը մաքուր պահեք. երբ ունեք բերանային հերպես, լավ լվացեք ձեր ձեռքերը նախքան ձեզ և այլ մարդկանց, հատկապես նորածիններին դիպչելը:
Հոդվածը տեղադրվել է՝ 09-07-2021 վերանայվել է՝ 07-11-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
