Հասարակ հերպես. ինքնօգնություն

Հասարակ հերպես. ինքնօգնություն

Հասարակ հերպեսի ժամանակ կարող եք ձեռնարկել որոշ միջոցներ, որ մեղմացնեք հիվանդության ընթացքը և կանխարգելեք վարակի տարածումը։

Հասարակ հերպես ունենալիս դուք կարող եք ձեռնարկել որոշ միջոցներ, որոնք կօգնեն հիվանդության ախտանիշների մեղմացմանը։

  • Բժիշկը կարող է խորհուրդ տալ, թե ինչ դեղեր կարող եք ընդունել (եթե կարծում եք, որ դրանք պետք են)։
  • Հակավիրուսային քսուքները կամ կրեմները պետք է օգտագործվեն հիվանդության առաջին մի քանի օրվա ընթացքում, երբ դեռ բշտիկային ցանը չի դրսևորվել և զգում եք մաշկային ծակծկոցներ կամ ծայրահեղ դեպքում, երբ նկատել եք առաջին բշտիկները։
  • Պովիդոն-յոդինային քսուքները (Betadine) որոշ դեպքերում կարող են մեղմացնել ախտանիշները։
  • Քսուքները և նրբաքսուքները (կրեմ) պետք է շատ զգուշությամբ «կաթեցնել» բշտերի վրա, այլ ոչ թե կոպիտ կերպով քսել կամ ցանի վրա տրորել։ Բոլոր դեպքերում, պետք է չվնասել ու չբացել հերպեսային բշտիկները։
  • Ցավերի դեպքում կարող եք ընդունել Ացետամինոֆեն (Թայլենոլ, Պարացետամոլ և այլն)՝ նախապես ծանոթանալով հակացուցումներին և օգտագործման կանոններին։
  • Սառեցնող միջոցները կարող են մեղմացնել ցավերը։ Դարձյալ, հիշեք, որ չվնասեք և չբացեք բշտիկները։ Սառույցը պետք է մաշկին հպել բարակ մաքուր սրբիչով փաթաթած վիճակում։ Օգտագործած սրբիչը վերջում պետք է լվանալ տաք ջրով։
  • Հակաբիոտիկներ կարող են օգտագործվել, եթե բժիշկը գտնում է, որ հերպեսային ցանին միացել է բակտերիալ վարակ։
  • Վազելինային քսուքները կարող են օգտակար լինել չորացած և ցավոտ հերպեսի դեպքում։ Դրանք նաև կարող են կանխել կեղևների ճաքերը։
  • Եթե ատամների մաքրումը խիստ ցավոտ է, փորձեք օգտագործել բերանի խոռոչի ողողմամբ ախտահանող միջոցներ։
  • Եթե հերպեսային ցանը շրթունքների կամ բերանի անկյունում է, անցեք փափուկ սննդամթերքների։ Բացառեք աղի կամ թթու մթերքները, որոնք կարող են գրգռել հերպեսային ցանը։
  • Փորձեք ոչ մի կերպ չդիպչել հերպեսային ցանին, քանի որ կարող եք վարակել ախտահարված մաշկը բակտերիաներով և բարդացնել հիվանդության ընթացքը՝ հնարավոր սպիական փոփոխություններով։
  • Բացառեք երեխաների կամ նորածինների հետ շփումը։

Հոդվածը վերանայվել է՝ 09-07-2021