Նորածնային կոլիկա. ախտանիշներ

Նորածնային կոլիկա. ախտանիշներ

Նորածինների անհանգստությունը և լացը նորմալ երևույթներ են, հատկապես նրանց կյանքի առաջին երեք ամիսներին:

Եվ դժվար է բնորոշել նորմալ լացի այն սահմանը, որից հետո կարելի է անհանգստանալ՝ կասկածելով, որ նորածնի մոտ առկա է կոլիկա կամ մեկ այլ խնդիր: Ընդհանուր առմամբ բժիշկները համարում են, որ նորածնային կոլիկա է այն վիճակը, երբ առողջ նորածինը լացում է ավելի երկար քան օրը 3 ժամ, ավելի հաճախ քան շաբաթը 3 օր և ավելի տևական քան 3 շաբաթ:

Նորածնային կոլիկայի առանձնահատկություններից են՝

  • ուժեղ լաց, որն ավելի շատ նմանվում է ճիչի կամ ցավի դրսևորման
  • լաց առանց որևէ ակնհայտ պատճառի՝ ի տարբերություն նորածնի քաղցած լինելուն կամ տակաշորի հետ կապված անհարամարվետության դրսևորման լացի
  • խիստ անհանգստություն, նույնիսկ եթե լացը մեղմացել է
  • կանխատեսելի ժամանակագրություն. լացի դրվագներն ավելի հաճախ սկսվում են երեկոյան ժամերին (ի տարբերություն ամբողջ օրվա ընթացքում առկա նորմալ լացի)
  • դեմքի գունափոխում, օրինակ՝ կարմրություն և շառագունում կամ բերանի շուրջը մաշկի գունատություն
  • մարմնի լարվածություն կամ ձգվածություն, օրինակ՝ ոտիկների ծալում և մոտեցում որովայնին, մեջքի կորացում, բռունցք արած թաթիկներ, կիտած ունքեր կամ որովայնի լարում:

Երբեմն ախտանիշները կարող են մեղմանալ, երբ նորածինը բաց է թողնում գազիկներ կամ աղիները գործելուց հետո: Գազերը հավանաբար երկարատև լացի ընթացքում օդ կուլ տալու հետևանք են:

Ե՞րբ դիմել բժշկին

Նորածնի ուժեղ և ոչ մի կերպ չհանգստացող լացը կարող է լինել կոլիկայի, սակայն նաև՝ ցավ կամ անհարմարավետություն առաջացնող որևէ հիվանդության կամ խնդրի արդյունք: Ուստի, անհրաժեշտ է պայմանավորվել և այցելել բժշկին, որ ժխտվի լացի այլ պատճառները:

Հոդվածը վերանայվել է՝ 18-06-2021