Բուժում - Հաստ աղու պոլիպ

Ձեր բժիշկն, ամենայն հավանականությամբ, կհեռացնի աղիների կոլոնոսկոպիկ հետազոտության ընթացքում հայտնաբերված բոլոր պոլիպները:

Պոլիպների հեռացման տարբերակները հետևյալն են:

• Պոլիպեկտոմիա. վաղ փուլում, երբ պոլիպներն ավելի փոքր են, դրանք կարելի է հեռացնել՝ կոլոնոսկոպիայի ընթացքում հատուկ գործիքով օղակելով և կտրել-հեռացնելով այդ գոյացությունները:
• Նվազագույն ինվազիվ վիրահատություն. պոլիպները, որոնք չափազանց մեծ են կամ չեն կարող անվտանգ հեռացվել կոլոնոսկոպիայի ժամանակ, սովորաբար հեռացվում են վիրահատական ​​ճանապարհով: Սա հաճախ իրականացվում է լապարոսկոպիկ մեթոդով:
• Տոտա; պրոկտոկոլէկտոմիա. եթե ​​ունեք հազվադեպ հանդիպող ժառանգական համախտանիշ, ինչպիսին է ընտանեկան ադենոմատոզ պոլիպոզը, ձեզ կարող է անհրաժեշտ լինել մեծ վիրահատություն՝ հաստ աղիքի և ուղիղ աղիքի ամբողջական հեռացման համար: Այս վիրահատությունը կարող է պաշտպանել ձեզ կյանքին սպառնացող քաղցկեղի զարգացումից:

Հաստ աղիքի պոլիպի որոշ տեսակներ ավելի հավանական է, որ վերածվեն քաղցկեղի, քան մյուսները: Բժիշկը, ով մանրադիտակի տակ հետազոտում է հյուսվածքային նմուշները, կարող է գնահատել պոլիպի քաղցկեղացման ռիսկը:

Հետբուժական հսկողություն

Եթե ​​ունեցել եք ադենոմատոզ կամ ատամնավոր պոլիպ, ապա ունեք հաստ աղիքի քաղցկեղով հիվանդանալու ռիսկ: Ռիսկի մակարդակը կախված է հեռացված ադենոմատոզ պոլիպների չափից, քանակից և այլ բնութագրիչներից:

Նման դեպքերում պոլիպների հայտնաբերման համար ձեզ հարկավոր կլինի կանոնավոր հետազոտություններ: Ձեր բժիշկը, հավանաբար, խորհուրդ կտա կոլոնոսկոպիա՝

• 5-ից 10 տարի հետո, եթե ունեցել եք ընդամենը մեկ կամ երկու փոքր ադենոմա
• 3-ից 5 տարի հետո, եթե ունեցել երեք կամ չորս ադենոմա
• երեք տարվա ընթացքում, եթե ունեցել եք 5-ից 10 ադենոմա, 10 միլիմետրից ավելի մեծ կամ որոշակի տեսակի ադենոմա
• վեց ամսվա ընթացքում, եթե ունեցել եք բազմաթիվ ադենոմաներ, շատ մեծ ադենոմա կամ ադենոմա, որը հեռացվել է կտոր-կտոր: