Գրադարան
Կոմա
1 րոպե
Կոման գիտակցության երկարատև կորստի վիճակ է, երբ արտաքին ազդակների նկատմամբ ռեակցիաներն իսպառ բացակայում են:
Վերոնշյալ գլխուղեղային նշաններից բացի կոման նաև ընթանում է կարևոր օրգան-համակարգերի գործունեության խափանմամբ (շնչառություն, արյան շրջանառություն և այլն):
Կոման կարող է ունենալ տարբեր պատճառներ, այդ թվում՝ գլխի տրավմատիկ վնասվածք (գանգուղեղային տրավմա), ինսուլտ, ուղեղի ուռուցք կամ թմրամիջոցներով կամ ալկոհոլային թունավորում: Կոմայի պատճառ կարող է լինել նաև որևէ հիվանդության բարդությունը, ինչպիսիք են շաքարային դիաբետը կամ վարակը:
Կոման անհետաձգելի բուժօգնություն պահանջող իրավիճակ է: Կյանքն ու գլխուղեղի գործունեությունը պահպանելու համար անհրաժեշտ են արագ գործողություններ: Բժիշկները սովորաբար պատվիրում են արյան մի շարք թեստեր և գլխուղեղի սքանավորում՝ փորձելով պարզել, թե ինչն է կոմայի առաջացման պատճառը, որ սկսվի պատշաճ բուժումը:
Կոման սովորաբար մի քանի շաբաթից ավելի չի տևում: Ավելի երկար ժամանակ անգիտակից վիճակում գտնվող մարդիկ կարող են անցնել վեգետատիվ վիճակի, որը հայտնի է որպես մշտական վեգետատիվ վիճակ կամ գլխուղեղի մահ:
Հոդվածը տեղադրվել է՝ 11-05-2019 վերանայվել է՝ 03-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
