Նկարագիր - Կոնյուկտիվիտ

Կոնյուկտիվիտը կոպը և ակնագունդը ծածկող թափանցիկ թաղանթի բորբոքումն է:

Այս թաղանթը կոչվում է շաղկապենի (կոնյուկտիվա): Երբ շաղկապենու փոքր արյունատար անոթները այտուցվում և գրգռվում են, դրանք ավելի տեսանելի են դառնում: Սա է պատճառը, որ աչքերի սպիտակենին դառնում է կարմրավուն կամ վարդագույն: Կոնյուկտիվիտը նաև կոչվում է վարդագույն աչք:

Կոնյուկտիվիտն առավել հաճախ առաջանում է վիրուսային վարակի պատճառով: Այն նաև կարող է առաջանալ բակտերիալ վարակի, ալերգիկ ռեակցիայի կամ երեխաների մոտ՝ թերի բացված արցունքային ծորանի հետևանքով:

Կոնյուկտիվիտը կարող է առաջացնել գրգռում, սակայն այն հազվադեպ է ազդում ձեր տեսողության վրա: Բուժումները կարող են օգնել թեթևացնելու կոնյուկտիվիտի առաջացրած անհարմարավետությունը: Կոնյուկտիվիտը կարող է վարակիչ լինել, ուստի վաղ ախտորոշումը և որոշակի նախազգուշական միջոցներ ձեռնարկելը կարող են օգնել դրա տարածման սահմանափակմանը: