Գրադարան

Կոնյուկտիվիտ. կանխարգելում

Կոնյուկտիվիտ. կանխարգելում

Time Read 2 րոպե

Կոնյուկտիվիտն ավելի հաճախ հանդիպում է երեխաների մոտ և իր բնույթով լինում է վարակիչ, ուստի հատկապես այս տարիքում շատ կարևոր է հիվանդության կանխարգելումը:

Կոնյուկտիվիտի տարածման կանխարգելումը

Կիրառեք լավ հիգիենա՝ կոնյուկտիվիտի տարածումը վերահսկելու համար: Օրինակ՝

  • ձեռքերով մի՛ դիպչեք ձեր աչքերին
  • հաճախակի լվացեք ձեր ձեռքերը
  • ամեն օր օգտագործեք մաքուր սրբիչ և անձեռոցիկ
  • ձեր սրբիչներով կամ անձեռոցիկներով օգտվեք միայն դուք
  • հաճախակի փոխեք ձեր բարձի երեսները
  • դեն նետեք աչքերի հին կոսմետիկ նյութերն ու պարագաները, օրինակ՝ կոպաներկը
  • խուսափեք աչքի կոսմետիկայի կամ աչքերի խնամքի անձնական պարագաների համատեղ օգտագործումից:

Հիշեք, որ կոնյուկտիվինտ ավելի վարակիչ չէ, քան սովորական մրսածությունը: Ուստի, կարելի է վերադառնալ աշխատանքի, դպրոց կամ երեխայի խնամքի կենտրոն, եթե ի վիճակի եք պահպանել լավ հիգիենա և խուսափել սերտ շփումից: Այնուամենայնիվ, եթե աշխատանքը, դպրոցը կամ երեխայի խնամքը ենթադրում է սերտ շփում ուրիշների հետ, լավագույն տարբերակը կարող է լինել տանը մնալը, քանի դեռ դուք կամ ձեր երեխայի ախտանիշները չեն վերացել:

Կոնյուկտիվիտի կանխարգելումը նորածինների մոտ

Նորածինների աչքերը խոցելի են մոտ ծննդաբերական ուղիում առկա բակտերիաների նկատմամբ: Այս բակտերիաները հաճախ մոր մոտ ոչ մի ախտանիշ չեն առաջացնում: Որոշ դեպքերում դրանք կարող են նորածինների մոտ առաջացնել կոնյուկտիվիտի ծանր ձև, որը հայտնի է որպես նորածնային օֆթալմիա: Նորածնային օֆթալմիաորը անհապաղ բուժման կարիք ունի՝ երեխայի տեսողությունը պահպանելու համար: Այդ իսկ պատճառով ծնվելուց անմիջապես հետո յուրաքանչյուր նորածնի աչքերն օծում են հակաբիոտիկային քսուքով, որն օգնում է աչքի վարակի կանխարգելմանը:

Հոդվածը տեղադրվել է՝ 09-04-2023 վերանայվել է՝ 09-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով