Կանխարգելում - Կոշտուկներ

Այս մոտեցումները կարող են օգնել, որ խուսափեք մաշկային կոշտուկների կամ մազոլների առաջացումից:

• Հագեք այնպիսի կոշիկներ, որոնք ձեր ոտքի մատների համար ապահովում են բավարար տարածք․ եթե ​​չեք կարող շարժել ձեր մատները, ուրեմն ձեր կոշիկները չափազանց նեղ են: Դիմեք կոշկակարին, եթե ձեր կոշիկները ունեն շատ քսվող կամ սեղմող տեղեր: Կոշիկ գնեք, երբ ձեր ոտքերն ամենաշատն են այտուցվում, սովորաբար՝ օրվա վերջում: Եթե ​​օգտագործում եք օրթոպեդիական ներդիրներ, հաշվի առեք այդ փաստը նոր կոշիկ գնելիս:
• Օգտագործեք պաշտպանիչ ծածկույթներ․ օգտագործեք սպեղանիներ, ոչ դեղորայքային կոշտուկային բարձիկներ կամ շերտեր այն հատվածների համար, որոնք քսվում են ձեր կոշիկներին: Կարող եք նաև փորձել մատները միմյանցից առանձնացնող փափուկ հարմարանքներ կամ այլ միջոցներ:
• Ձեռքի գործիքներ օգտագործելիս կրեք պաշտպանիչ ձեռնոցներ․ կամ փորձեք ձեր գործիքի բռնակները փաթաթել կտորի ժապավենով կամ այլ փաթաթանով: