Ցիստիտ. կանխարգելում

Ցիստիտ. կանխարգելում

Ցիստիտի կանխարգելումը ներառում է մեծ դժվարություն չներկայացնող որոշ քայլեր:

Օրինակ, լոռամրգի (клюква) հյութը կամ հաբերը, որոնք պարունակում են պրոանթոցիանիդին, հաճախ խորհուրդ է տրվում որպես որոշ կանանց մոտ միզապարկի կրկնվող վարակների ռիսկը նվազեցնող միջոց: Սակայն այս ոլորտում գիտական տվյալները հակասական են (որոշ հետազոտություններ արձանագրում են օգտակարության մասին, սակայն լայնածավալ հետազոտություններով որևէ օգտակարություն չի հաստատվում):

Ավելին, եթե այլ պատճառներով ընդունում եք արյան մակարդելիությունն ընկճող դեղեր (օրինակ՝ Վարֆարին), ապա լոռամրգի հյութը կարող է ուժեղացնել դեղի ազդեցությունը և բերել արյունահոսության:

Ստորև ներկայացված կանխարգելման միջոցները լիարժեք ուսումնասիրված չեն, սակայն բժիշկները երբեմն դրանք խորհուրդ են տալիս կրկնվող միզապարկի վարակների ժամանակ:

  • Խմեք առատ հեղուկներ, հատկապես՝ ջուր. առատ հեղուկներ խմելը մասնավոր կարևորություն ունի, եթե դուք ստանում եք քիմիոթերապիա կամ ճառագայթային բուժում: Փորձեք անցնել առատ հեղուկների հատկապես բուժման օրերին:
  • Միզեք հաճախակի. միզեք առանց հետաձգելու՝ զուգարանից օգտվելու ցանկություն առաջանալուց անմիջապես հետո:
  • Եթե կին եք, ապա միզելուց հետո սեռական օրգանները մաքրեք առջևից դեպի ետ (հեշտոցից դեպի հետանցք), այլ ոչ թե հակառակ ուղղությամբ. սա կանխում է հետանցքի շրջանից բակտերիաների տարածումը դեպի հեշտոց և միզուկ:
  • Լողանալիս օգտվեք ցնցուղից, այլ ոչ թե լոգարանից (վաննա). եթե դուք «խոցելի եք» վարակների նկատմամբ, ապա ջրի հոսքը վերից-վար ուղղող ցնցուղը կարող է օգնել միզուղիների վարակի կանխարգելմանը, մինչդեռ լոգարանում ջրի մեջ պառկելը կարող է նպաստել վարակի տարածմանը դեպի միզուղիներ:
  • Զգուշությամբ լվացեք ձեր հեշտոցի և հետանցքի շրջանները. կրկնեք լվացումներն ամեն օր, սակայն մի օգտագործեք պինդ օճառներ և մի լվացեք խիստ աշխուժորեն: Հակառակ դեպքում այս շրջանների նուրբ մաշկը կարող է գրգռվել:
  • Սեռական հարաբերությունից հետո հնարավորինս շուտ միզեք. մեծ բաժակով ջուր ընդունելը կարող է օգնել, որ միզելու միջոցով ձեր միզապարկը «մաքրեք» բակտերիաներից:
  • Խուսափեք սեռական օրգանների շրջանում դեզադորանտային սփրեյներ կամ այլ միջոցներ օգտագործելուց. այս քիմիական նյութերը կարող են գրգռել ձեր միզուկը և միզապարկը:
  • Զուգարանից օգտվելիս և ընդհանրապես պահպանեք անձնական հիգիենայի կանոնները. խուսափեք ոչ մաքուր ձեռքերով ձեր սեռական օրգաններին դիպչելուց:
  • Կրեք ոչ թե արհեստական մանրաթելից գործած, այլ բնական բամբակյա ներքնազգեստ. նպատակը դարձյալ սեռական օրգանների նուրբ մաշկի գրգռումը բացառելն է:

Հոդվածը վերանայվել է՝ 07-04-2021