Ցիստիտ. ախտանիշներ

Ցիստիտ. ախտանիշներ

Ցիստիտի ժամանակ ձեր գանգատները հիմնականում կապված են միզարձակման խնդիրների հետ:

Ցիստիտի հիմնական ախտանիշներն են՝

  • անզուսպ միզարձակման ցանկություն
  • միզելիս այրոցի զգացում կամ ցավեր (ավելի հաճախ՝ միզելու ավարտին), որը կոչվում է «դիզուրիա»
  • հաճախամիզություն և զուգարան գնալիս փոքր քանակով միզում
  • դժվարամիզություն
  • պղտոր և սուր տհաճ հոտով մեզ
  • արյունամիզություն (հեմատուրիա)
  • վերցայքային շրջանի բութ ցավեր կամ ճնշման զգացողություն
  • կոնքի շրջանում անհարմարավետության զգացում (դիսկոմֆորտ)
  • երբեմն՝ բարձր ջերմություն և դող:

Մանկահասակ երեխաների մոտ ցերեկային ժամերին տակը թրջելու նոր դրվագները նույնպես կարող են վկայել միզուղիների վարակի մասին:

Ե՞րբ դիմել բժշկին

Եթե ձեզ մոտ նկատել եք այս գանգատները, անպայման դիմեք ձեր բժշկին, այլապես չբուժված ցիստիտը կարող է բարդանալ երիկամների վարակով (պիելոնեֆրիտ):

Առանց հետաձգելու դիմեք բժշկական օգնության, եթե դուք ունեք երիկամների վարակի ժամանակ հաճախ գրանցվող ախտանիշներ, այդ թվում՝

Եթե ձեզ մոտ զարգանում է շտապ և հաճախ միզելու ցանկություն կամ միզելիս ցավեր, որոնք շարունակվում են մի քանի ժամ կամ ավելի երկար կամ դուք ձեր մեզում նկատում եք արյուն, ապա տեղեկացրեք այդ մասին ձեր բժշկին: Եթե անցյալում ունեցել եք միզուղիների վարակ և այժմ նշում եք այդ վարակին նմանվող գանգատներ, ապա դարձյալ դիմեք ձեր բժշկին:

Տեղեկացրեք ձեր բժշկին նաև այն դեպքերում, երբ հակաբիոտիկներով բուժումն ավարտելիս ձեր գանգատները վերսկսվում են: Սա նշանակում է, որ կարող է բուժման մեջ փոփոխություններ կատարելու անհրաժեշտություն լինի:

Դիմեք մանկաբույժին, եթե ձեր երեխան սկսել է ցերեկվա ժամերին տակը թրջել:

Այլ դեպքերում, եթե ձեզ համարում եք առողջ, ապա ցիստիտը հազվադեպ է առաջացնում բժշկի կողմից ստուգման կարիք:

Հոդվածը վերանայվել է՝ 07-04-2021