Ցիտոմեգալովիրուս. ախտանիշներ

Ցիտոմեգալովիրուս. ախտանիշներ

Ցիտոմեգալովիրուսով վարակված առողջ մարդկանց մեծ մասը կարող է որևէ գանգատ կամ ախտանիշ չունենալ:

Եթե ցիտոմեգալովիրուսային վարակն, այնուամենայնիվ, առաջացնում է ախտանիշներ, ապա տարբեր մարդկանց մոտ կարող են դրսևորվել տարբեր գանգատներ։ Ընդհանուր առմամբ, ավելի հավանական է, որ ցիտոմեգալովիրուսը կլինիկական դրսևորում ստանա մարդկանց հետևյալ խմբերում՝

  • նորածիններ, ովքեր այս վիրուսով վարակվում են մինչև ծնվելը (բնածին ցիտոմեգալովիրուս)
  • նորածիններ, ովքեր վարակվում են ծննդաբերության ընթացքում կամ դրանից շատ չանցած, օրինակ՝ կրծքի կաթով (պերինատալ ցիտոմեգալովիրուս)
  • մարդիկ, ովքեր ունեն թուլացած իմունային համակարգ, օրինակ՝ օրգանի, ոսկրածուծի կամ ցողունային բջիջների փոխպատվաստումով մարդիկ, քիմիոթերապիա ստացողներ կամ ՄԻԱՎ-ով վարակված անձինք:

Վերոնշյալ դեպքերում սուր ցիտոմեգալովիրուսային վարակը կարող է ուղեկցվել հետևյալ նշաններով՝

Հյուծված իմունային համակարգով (դիմադրողականությամբ) մարդկանց մոտ ցիտոմեգալովիրուսային վարակը կարող է նաև ստանալ ծանր ընթացք։

Բնածին ցիտոմեգալովիրուսով երեխաների մեծ մասը կարող է կյանքի ընթացքում այս վարակի հետ կապված առողջական որևէ խնդիր չունենալ, սակայն երբեմն կարող են զարգանալ լուրջ խնդիրներ, օրինակ՝ լսողության կորուստ։

Նորածիններ

Բնածին ցիտոմեգալովիրուսով նորածինների մեծ մասը ծնվելիս ունի առողջ տեսք:

Բնածին ցիտոմեգալովիրուսով փոքրաթիվ նորածինների մոտ ժամանակի ընթացքում (երբեմն՝ ամիսներ կամ տարիներ հետո), այունամենայնիվ, կարող են զարգանալ որոշ ախտանիշներ: Ուշ դրսևորվող այս նշաններից ամենատարածվածները լսողության կորուստն է և զարգացման հապաղումը: Քիչ թվով նորածինների մոտ նաև կարող են զարգանալ տեսողության խնդիրներ:

Հետևյալ ախտանիշներն ավելի հաճախ են հանդիպում այն նորածինների շրջանում, ովքեր ունեն բնածին ցիտոմեգալովիրուս և ծնվելիս արդեն վարակված են՝

Թուլացած իմունիտետով անձինք

Եթե ձեր իմունային համակարգը թուլացած է, ապա ցիտոմեգալովիրուսային վարակը ձեզ մոտ կարող է առաջացնել ծանր խնդիրներ, որոնք կարող են ընդգրկել հետևյալ օրգանները՝

  • աչքեր
  • թոքեր
  • լյարդ
  • կերակրափող
  • ստամոքս
  • աղիներ
  • գլխուղեղ։

Առողջ չափահասներ

Այլ առողջական խնդիրներ չունեցող և ցիտոմեգալովիրուսով վարակված չափահաս մարդկանց մեծ մասը կարող է որևէ գանգատ չնշել կամ ունենալ քիչ ախտանիշներ: Առաջին անգամ վարակվելիս որոշ չափահասների մոտ կարող են զարգանալ վարակային մոնոնուկլեոզին նմանվող գանգատներ, այդ թվում՝

Ե՞րբ այցելել բժշկին

Հանդիպեք ձեր բժշկին, եթե՝

  • ունեք թուլացած իմունային համակարգ և ցիտոմեգալովիրուսային վարակը ձեզ մոտ ընթանում է ախտանիշներով (հիշեք, որ նման դեպքերում մեծանում է ծանր բարդությունների, անգամ մահվան ռիսկը)
  • հղի եք և ձեզ մոտ զարգացել են մոնոնուկլեոզին նմանվող գանգատներ:

Եթե գիտեք, որ հղիության ընթացքում վարակվել եք ցիտոմեգալովիրուսով, տեղեկացրեք այդ մասին ձեր բժշկին:

Հոդվածը վերանայվել է՝ 31-03-2021