Բարդություններ - Ցիտոմեգալովիրուս

Ցիտոմեգալովիրուսային (CMV) վարակի բարդությունները տարբեր են՝ կախված ձեր ընդհանուր առողջական վիճակից և նրանից, թե երբ եք վարակվել:

Առողջ չափահասներ

Հազվադեպ, CMV-ն առողջ չափահասի մոտ առաջացնում է մոնոնուկլեոզի զարգացում: Առողջ չափահսների համար այլ հազվադեպ բարդություններից են մարսողական համակարգի, լյարդի, գլխուղեղի և նյարդային համակարգի հետ կապված խնդիրները:

Մարդիկ, ովքեր ունեն թուլացած իմունիտետ

CMV վարակի բարդությունները կարող են ներառել՝

• տեսողության կորուստ՝ աչքի լուսազգայուն շերտի՝ ցանցաթաղանթի բորբոքման պատճառով (ռետինիտ)
• մարսողական համակարգի խնդիրներ, ներառյալ հաստ աղիքի (կոլիտ), կերակրափողի (էզոֆագիտ) և լյարդի (հեպատիտ) բորբոքումներ
• նյարդային համակարգի խնդիրներ, ներառյալ ուղեղի բորբոքում (էնցեֆալիտ)
• թոքաբորբ (պնևմոնիա)։

Նորածիններ, ովքեր ունեն բնածին CMV

Այն նորածինը, ում մայրն առաջին անգամ հղիության ընթացքում վարակվել է CMV-ով, ավելի հավանական է, որ առնչվի բարդությունների հետ: Նորածնի համար բարդությունները կարող են ներառել՝

• լսողության կորուստ
• մտավոր հաշմանդամություն
• տեսողության խնդիրներ
• ցնցումներ
• կորդինացիայի բացակայություն
• թուլություն կամ մկանների օգտագործման հետ կապված խնդիրներ։