Բուժում - Ցիտոմեգալովիրուս

Առողջ երեխաների և չափահասների համար բուժումը սովորաբար անհրաժեշտ չէ:

Առողջ չափահասները, ում մոտ զարգանում է ցիտոմեգալովիրուսային (CMV) մոնոնուկլեոզ, սովորաբար ապաքինվում են առանց դեղորայքի:

Նորածինները և թուլացած իմունիտետ ունեցող մարդիկ բուժման կարիք ունեն, երբ զարգանում են CMV վարակի ախտանիշներ: Բուժման տեսակը կախված է գանգատներից և ախտանիշներից ու դրանց ծանրության աստիճանից:

Հակավիրուսային դեղամիջոցները բուժման ամենատարածված տեսակն են: Դրանք կարող են դանդաղեցնել վիրուսի վերարտադրությունը, բայց չեն կարող վերացնել այն: Հետազոտողները ուսումնասիրում են նոր դեղամիջոցներ և պատվաստանյութեր՝ CMV-ի բուժման և կանխարգելման համար: