Դեպրեսիա․ ինքնօգնություն

Դեպրեսիա․ ինքնօգնություն

Եթե ունեք դեպրեսիա, հավանաբար գիտեք, որ ձեր հիվանդությունը վաղը չի անհետանա։

Դեպրեսիան ունի երկարատև ալիքաձև ընթացք, և նույնիսկ բուժման դեպքում կպահանջվի երկար ժամանակ, մինչև ձեր ախտանիշները մեղմանան ու դառնան տանելի։

Ահա թե ինչու շատ կարևոր է, որ ինքներդ օգնեք ձեզ՝ դիմագրավելու հիվանդությունը։

Ինչո՞ւ պետք է ընտանիքիս կամ ընկերներիս տեղեկացնեմ իմ խնդրի մասին

Ընդհանուր առմամբ, ընտանիքի անդամներին և ընկերներին տեղեկացրեք այն, ինչ կցանկանաք, որ նրանք իմանան։ Սա ձե՛ր որոշումն է։

Օրինակ, օգտակար կարող է լինել ձեր դեպրեսիայի մասին մտերիմների հետ զրուցելը։ Եթե նրանք հասկանան, թե ինչ վիճակում եք, մեծ հավանականությամբ կփորձեն օգնել ու օժանդակել ձեզ։

Սակայն, հիվանդության ախտանիշներից մեկը կարող է լինել այն, որ բոլորին, այդ թվում՝ անծանոթներին պատմեք ձեր հիվանդության բոլոր մանրամասները։

Ինչպե՞ս ասել, որ ունեք հոգեկան հիվանդություն

Դուք կարող եք ներկայացնել դեպրեսիան որպես հիվանդություն, երբ ձեր ախտանիշները ձեզնից կախված չեն։ Պատկերացրեք, թե ինչ կարող են ձեզ պատասխանել տարբեր մարդիկ և նախապես ունեցեք պատրաստի պատասխաններ։ Փորձեք ձեր հնարավոր զրույցը գործնականորեն ամրապնդել ընտանիքի անդամների կամ բժշկի հետ դերային խաղի միջոցով։

Ի՞նչ անել, եթե մյուսները բացասական ռեակցիա են ցույց տալիս

Որոշ մարդիկ չեն հասկանում, թե ինչ հիվանդություն է դեպրեսիան, ինչը կարող է հանգեցնել ձեր նկատմամբ բացասական նախատրամադրվածությունների առաջացմանը և ի վերջո բերել մեկուսացման և ստիգմայի։ Խնդրեք այդ մարդկանց այցելել մեր կայք և ըմբռնել դեպրեսիայի հետ կապված որոշ կարևոր հարցեր։

Ինչպե՞ս ընտրեմ իմ հոգեթերապևտին կամ հոգեբույժին

Լավագույն մոտեցումը այն մարդկանց հետ զրուցելն է, ովքեր ճանաչում են ձեր հավանական հոգեթերապևտին կամ բժշկին։ Դուք կարող եք օգտվել նաև առցանց աղբյուրներից։

Ինչո՞ւ է կարևոր ինձ նշանակած բուժմանը հետևելը

Դեպրեսիայի բուժումը պահանջում է որոշակի ժամանակ՝ մինչև ախտանիշները մեղմանան և ձեր ինքնազգացողությունը բարելավվի։ Այս ընթացքում մի փորձեք շեղվել ձեր բուժումից, ինքնուրույն կրճատել նշանակված դեղերի դեղաչափերը կամ դադարեցնել դրանց ընդունումը, բաց թողնել հոգեթերապևտիկ սեանսները և այլն։ Հիշեք, որ դեպրեսիայի բուժման արդյունավետությունը կախված է նաև ձեզնից։

Հոդվածը վերանայվել է՝ 25-04-2021