Դիաբետիկ նեֆրոպաթիայի վաղ փուլերում դուք կարող եք դիաբետից բացի որևէ լրացուցիչ գանգատ կամ ախտանիշ չնշել:
Սակայն, դիաբետիկ նեֆրոպաթիայի ավելի ուշ փուլերում աստիճանաբար զարգանում են հետևյալ ախտանիշները՝
- արյան ճնշման վերահսկման վատթարացում
- մեզում սպիտակուց (պրոտեինուրիա)
- ոտնաթաթերի, կոճերի, դաստակների կամ աչքերի այտուցվածություն
- միզելու պահանջի հաճախացում
- ինսուլինի կամ դիաբետի այլ դեղամիջոցների կարիքի կրճատում
- շփոթվածություն կամ կենտրոնանալու դժվարություն
- օդի պակասի զգացում
- ախորժակի կորուստ
- սրտխառնոց և փսխում
- համառ քոր
- հոգնածություն:
Ե՞րբ դիմել բժշկին
Պայմանավորվեք ձեր բժշկի հետ և այցելեք նրան, եթե ձեզ մոտ առաջացել են վերոնշյալ ախտանիշներից մեկնումեկը:
Պայմանավորվեք ձեր բժշկի հետ, եթե ունեք երիկամների հիվանդության գանգատներ կամ ախտանիշներ: Եթե դուք ապրում եք դիաբետով, այցելեք ձեր բժշկին ամեն տարի կամ ինչպես խորհուրդ է տրվում՝ երիկամների գործունեությունը չափող թեստերի համար:
Իմացե՛ք ավելին երիկամների գործունեության լաբորատոր թեստերի մասին:
Հոդվածը հրապարակվել է՝ 03-05-2020
Վերջին վերանայում՝ 23-04-2024