Գրադարան
Կլման խանգարում (դիսֆագիա)
1 րոպե
Դիսֆագիան միայն բուն կլման խանգարումը չէ, այլ նաև բերանը բացելու և փակելու, հեղուկներ խմելու, սնունդը բերանով ներքաշելու (ծծելու), ծամելու, թքով փափկացնելու, կուլ տալու և հարակից այլ գործողությունների հետ կապված խնդիրները, ինչպես նաև ջրի և սննդի սխալ ճանապարհով տեղաշարժվելը (օրինակ՝ կերակրափողի փոխարեն շնչափողում հայտնվելը):
Դիսֆագիան կուլ տալու դժվարություն է, երբ ավելի շատ ժամանակ և ջանք է պահանջվում սնունդը կամ հեղուկը բերանից ստամոքս տեղափոխելու համար: Դիսֆագիան կարող է ցավոտ լինել: Որոշ դեպքերում կուլ տալն անհնար է:
Ժամանակ առ ժամանակ կուլ տալու դժվարությունները, օրինակ, երբ դուք շատ արագ եք ուտում կամ բավականաչափ լավ չեք ծամում կերակուրը, սովորաբար անհանգստության պատճառ չեն հանդիսանում: Սակայն մշտական դիսֆագիան կարող է լինել ծանր բժշկական վիճակ, որը պահանջում է բուժում: Երբ տարբեր պատճառներով ի հայտ են գալիս կլման դժվարացում, սնունդ ստանալու հաճույքից զրկվելուց բացի սահմանափակվում է նաև սննդանյութերով և ջրով մեր օրգանիզմի մշտական կարիքների ապահովումը:
Դիսֆագիան կարող է առաջանալ ցանկացած տարիքում, սակայն ավելի տարածված է չափահասների մոտ: Կուլ տալու խնդիրների պատճառները տարբեր են, և բուժումը կախված է պատճառից:
Հոդվածը տեղադրվել է՝ 28-05-2018 վերանայվել է՝ 05-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
