Բազմաթիվ տարբեր բաներ կարող են պատճառ դառնալ, որ մանրէները ներթափանցեն արյան մեջ և հանգեցնեն էնդոկարդիտի:
Սրտի ճիշտ չաշխատող, ախտահարված կամ վնասված փականի առկայությունը մեծացնում է հիվանդության ռիսկը: Այնուամենայնիվ, էնդոկարդիտը կարող է առաջանալ նրանց մոտ, ովքեր չունեն սրտի փականային հիվանդություն:
Ռիսկի գործոններ
Էնդոկարդիտի ռիսկի գործոնները ներառում են հետևյալը:
- Մեծ տարիք. էնդոկարդիտն առավել հաճախ հանդիպում է 60 տարեկանից բարձր չափահասների մոտ:
- Սրտի արհեստական փականներ. մանրէներն ավելի հավանական է, որ կցվեն արհեստական (պրոթեզավոր), քան սովորական սրտի փականին:
- Սրտի վնասված փականներ. որոշ առողջական վիճակներ, ինչպիսիք են ռևմատիզմը կամ վարակը, կարող են վնասել կամ սպիացնել սրտի մեկ կամ մի քանի փականները՝ մեծացնելով վարակի վտանգը: Էնդոկարդիտի պատմությունը (անամնեզ) նույնպես մեծացնում է վարակի վտանգը:
- Սրտի բնածին արատներ. սրտի որոշակի տեսակի արատներով ծնված լինելը, օրինակ՝ անկանոն սիրտը կամ վնասված սրտի փականները, մեծացնում է սրտի վարակների վտանգը:
- Իմպլանտացված սրտի սարք. բակտերիաները կարող են կցվել ներդրված սարքին, ինչպիսին է սրտի արհեստական ռիթմավարը, ինչը կարող է առաջացնել սրտի լորձաթաղանթի վարակ:
- Ապօրինի ներերակային թմրամիջոցների օգտագործում. կեղտոտ ներերակային ասեղներ օգտագործելը կարող է հանգեցնել վարակների, ինչպիսին էնդոկարդիտն է: Աղտոտված ասեղներն ու ներարկիչները հատուկ մտահոգություն են այն մարդկանց համար, ովքեր օգտագործում են ապօրինի ներերակային թմրամիջոցներ, ինչպիսիք են հերոինը կամ կոկաինը:
- Ատամների վատ առողջություն. առողջ բերանն ու լնդերը կարևոր են առողջության համար։ Եթե դուք կանոնավոր ատամի խոզանակ և ատամնաթել չեք օգտագործում, բակտերիաները կարող են աճել ձեր բերանի ներսում և ներթափանցել ձեր արյան շրջանառությունը լնդերի կտրվածքի միջոցով: Որոշ ատամնաբուժական միջամտություններ, որոնք կարող են կտրել լնդերը, կարող են նաև պատճառ հանդիսանալ, որ բակտերիաները ներթափանցեն արյան մեջ:
- Կաթետերի երկարատև օգտագործում. կաթետերը բարակ խողովակ է, որն օգտագործվում է որոշ բժշկական միջամտություններ կատարելու համար: Կաթետերի երկարատև տեղադրումը (մշտական կաթետեր) մեծացնում է էնդոկարդիտի վտանգը:
Հոդվածը հրապարակվել է՝ 20-05-2018
Վերջին վերանայում՝ 23-04-2024