Էնդոկարդիտ

Էնդոկարդիտը հազվադեպ հանդիպող, բայց ծանր հիվանդություն է, որը պատճառվում է սրտի ներքին թաղանթի բորբոքմամբ։

Սրտի ներքին թաղանթը կոչվում է էնդոկարդ (այստեղից էլ «էնդոկարդիտ» անվանումը)։ Էնդոկարդը ներսից ծածկում է սրտի խոռոչները, պտկաձև մկանները, ջլակազմ թելերը, ինչպես նաև սրտի փականները: Սրտի տարբեր հատվածներում Էնդոկարդն ունի տարբեր հաստություն: Այն ավելի հաստ է սրտի ձախ խոռոչում, հատկապես միջփորոքային միջնորմում ու խոշոր զարկերակային անոթների՝ աորտայի ու թոքային զարկերակի բացվածքի մոտ, իսկ անհամեմատ ավելի բարակ՝ ջլակազմ թելերում:

Էնդոկարդիտն ավելի հաճախ պատճառվում է բակտերիաներով, որոնք սրտի խոռոչ ներթափանցում են արյան հունով։ Սիրտը վարակներից լավ պաշտպանված է, սակայն բակտերիաներն ավելի հեշտությամբ են շրջանցում իմունային համակարգը և հասնում էնդոկարդ այն մարդկանց մոտ, ովքեր՝

  • ունեն սրտի արհեստական փական
  • ունեն սրտի բնածին արատներ
  • ունեն հիպերտրոֆիկ կարդիոմիոպաթիա (երբ սրտամկանի պատերը գերաճել և հաստացել են, իսկ խոռոչները՝ նեղացել)
  • ունեն սրտի փականների վարակային ախտահարում։

Էնդոկարդիտի ռիսկը բարձրանում է նաև ապօրինի ներարկային թմրամիջոցներ օգտագործող անձանց մոտ։

Թեև էնդոկարդիտը կարող է ունենալ մահացու ելք, վաղ ախտորոշումը և բուժումը կարող են դառնալ բավականին արդյունավետ։

Հոդվածը վերանայվել է՝ 13-10-2021