Գրադարան

Էնդոկարդիտ. կանխարգելում

Էնդոկարդիտ. կանխարգելում

Time Read 2 րոպե

Էնդոկարդիտի կանխարգելման համար դուք կարող եք ձեռնարկել հետևյալ քայլերը:

  • Իմացեք էնդոկարդիտի գանգատներն ու ախտանիշները. անհապաղ դիմեք ձեր բժշկին, եթե ձեզ մոտ առաջանում է վարակի որևէ ախտանիշ, հատկապես համառ ջերմություն, անբացատրելի հոգնածություն, մաշկի ցանկացած տեսակի վարակ կամ բաց կտրվածքներ կամ խոցեր, որոնք նորմալ չեն ապաքինվում:
  • Հոգ տարեք ձեր ատամների և լնդերի մասին. հաճախակի խոզանակով և թելով մաքրեք ձեր ատամները և լնդերը: Անցեք կանոնավոր ատամնաբուժական ստուգումներ: Ատամների լավ հիգիենան ձեր ընդհանուր առողջության պահպանման կարևոր մասն է:
  • Մի՛ օգտագործեք ապօրինի ներերակային թմրամիջոցներ. կեղտոտ ասեղները կարող են բակտերիաներ ուղարկել արյան մեջ՝ մեծացնելով էնդոկարդիտի ռիսկը:

Կանխարգելիչ հակաբիոտիկներ

Որոշ ատամնաբուժական և բժշկական միջամտություններ կարող են պատճառ դառնալ, որ բակտերիաները ներթափանցեն ձեր արյան մեջ:

Եթե ​​դուք էնդոկարդիտի բարձր ռիսկի տակ եք, Ամերիկյան սրտի ասոցիացիան (AHA) խորհուրդ է տալիս հակաբիոտիկներ ընդունել ատամնաբուժական միջամտությունից մեկ ժամ առաջ: Դուք էնդոկարդիտի բարձր ռիսկի տակ եք և ատամնաբուժական միջամտությունից առաջ հակաբիոտիկների կարիք ունեք, եթե ունեք՝

  • էնդոկարդիտի պատմություն (անամնեզ)
  • մեխանիկական սրտի փական
  • սրտի փոխպատվաստում, որոշ դեպքերում
  • սրտի բնածին հիվանդության որոշ տեսակներ
  • սրտի բնածին հիվանդության վիրահատություն վերջին վեց ամսվա ընթացքում:

Եթե ​​ունեք էնդոկարդիտ կամ որևէ տեսակի սրտի բնածին հիվանդություն, խոսեք ձեր ատամնաբույժի և այլ մասնագետների հետ ձեր ռիսկերի և կանխարգելիչ հակաբիոտիկների կարիքի մասին:

Հոդվածը տեղադրվել է՝ 20-05-2018 վերանայվել է՝ 02-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով