Էպիլեպսիա. դեղեր

Էպիլեպսիա. դեղեր

Էպիլեպսիայի բուժման մեջ հակացնցումային դեղերի նշանակումն ունի առանցքային նշանակություն:

Էպիլեպսիայով մարդկանց մեծ մասը կարող է ձերբազատվել ցնցումներից՝ ընդունելով միայն մեկ հակացնցումային դեղամիջոց, որը կոչվում է նաև հակաէպիլեպտիկ դեղ: Մյուսների մոտ ցնցումների հաճախականությունը և ուժգնությունը կարող է պակասել մի քանի դեղամիջոց ընդունելու շնորհիվ:

Էպիլեպսիայով բազմաթիվ երեխաներ, ում մոտ հիվանդության ախտանիշները որոշ ժամանակ չեն դրսևորվել, կարող են բժշկի ցուցմամբ ի վերջո դադարեցնել դեղերի ընդունումը, իսկ էպիլեպսիայով բազմաթիվ չափահասներ կարող են չշարունակել դեղերի ընդունումը, եթե երկու և ավելի տարիներ ցնցումներ չեն գրանցվել: Բոլոր դեպքերում հակացնցումային դեղերի ընդունման ընդմիջումը կամ դադարացումը պետք է քննարկել ձեր բժշկի հետ:

Հակաէպիլեպտիկ դեղամիջոցի ճիշտ տեսակի և դեղաչափի ընտրությունը բավականին բարդ հարց է: Բժիշկը հաշվի է առնում հիվանդության ընթացքը, ընդհանուր առողջական վիճակը, ցնցումների հաճախականությունը, տարիքը և տարբեր այլ գործոններ: Նա նկատի է ունենում նաև այլ բուժումները և դեղերը, որպեսզի ստուգի հակացնցումային և այլ դեղերի հնարավոր փոխազդեցությունները:

Սովորաբար բժիշկները սկսում են միայն մեկ հակացնցումային դեղամիջոցից, որը նշանակում են հարաբերականորեն ցածր դեղաչափով, որից հետո նշանակված դեղի քանակը կարող են աստիճանաբար բարձրացնել կամ ավելացնել մեկ այլ դեղամիջոց՝ մինչև ձեր ախտանիշները կդառնան լավ կառավարված:

Այնուամենայնիվ, հակացնցումային դեղերի մեծ մասը բուժական ազդեցությունից բացի դրսևորում է նաև տարբեր անցանկալի կամ կողմնակի երևույթներ:

Թույլ կողմնակի ազդեցություններից են՝

Ավելի ծանր, սակայն՝ հազվադեպ հանդիպող կողմնակի ազդեցություններից են՝

Դեղորայքային բուժմամբ ցնցումների կառավարման լավագույն արդյունքին հասնելու համար անհրաժեշտ է հետևել այս կանոններին՝

  • խստորեն ընդունե՛ք դեղերն այնպես, ինչպես նշանակված է
  • անպայման կապ հաստատե՛ք ձեր բժշկի հետ, եթե անցնում եք ձեզ նշանակած դեղի փոխարինողներին կամ ստիպված եք միաժամանակ ընդունել այլ դեղեր, այդ թվում՝ առանց դեղատոմսի վաճառվող կամ բուսական ծագման
  • առանց բժշկի իմացության երբեք մի՛ դադարեցրեք ձեզ նշանակված հակացնցումային դեղի ընդունումը
  • անհապաղ տեղեկացրե՛ք ձեր բժշկին, եթե նկատել եք դեպրեսիայի խորացում, սուիցիդային մտքեր կամ տրամադրության ու վարքագծի անսովոր փոփոխություններ
  • տեղեկացրեք բժշկին, եթե ունեք միգրեն (նա կարող է նշանակել այնպիսի հակացնցումային դեղամիջոց, որը բուժի էպիլեպսիան և կանխարգելի միգրենային գլխացավերի առաջացումը)։

Նոր ախտորոշված էպիլեպսիայով մարդկանց առնվազն կեսն ազատվում է ցնցումներից իր առաջին դեղի ընդունման շնորհիվ: Եթե դեղամիջոցները չեն ապահովում բավարար արդյունքներ, բժիշկը կարող է առաջարկել վիրահատություն կամ բուժման այլ տարբերակներ:

Հակացնցումային դեղեր ստանալիս անհրաժեշտ է պարբերաբար այցելել ձեր բժշկին, ով կգնահատի ձեր հիվանդության ընթացքը և բուժման արդյունավետությունը:

Հոդվածը վերանայվել է՝ 27-04-2021