Գրադարան

Էպիլեպսիա

Էպիլեպսիա

Time Read 2 րոպե

Էպիլեպսիան կենտրոնական նյարդային համակարգի (նյարդաբանական) խանգարում է, որի ժամանակ գլխուղեղի գործունեությունը դառնում է ոչ նորմալ՝ առաջացնելով ցնցումներ կամ անսովոր վարքի շրջաններ, զգացողություններ և երբեմն գիտակցության կորուստ:

Ցանկացած մարդու մոտ կարող է առաջանալ էպիլեպսիա: Էպիլեպսիայով հիվանդանում են բոլոր ռասաների, էթնիկական ծագման և տարիքի տղամարդիկ և կանայք:

Ցնցումային ախտանիշները կարող են շատ տարբեր լինել: Էպիլեպսիա ունեցող որոշ մարդիկ ցնցումների ժամանակ պարզապես մի քանի վայրկյանով «անջատվում են»՝ սառած հայացքով, իսկ մյուսներն ունենում են գիտակցության կորուստ, վայրանկում և արտասովոր ջղաձգումներ: Մեկ ցնցումային նոպա ունենալը չի ​​նշանակում, որ դուք էպիլեպսիա ունեք: Ընդհանուր առմամբ, պահանվում է առնվազն երկու ցնցում առանց հայտնի դրդապատճառի (չհրահրված ցնցումներ), որոնք տեղի են ունենում առնվազն 24 ժամ ընդմիջումով, էպիլեպսիայի ախտորոշման համար:

Դեղորայքային բուժումը կամ երբեմն վիրահատությունը կարող է վերահսկել էպիլեպսիա ունեցող մարդկանց մեծամասնության ցնցումները: Որոշ դեպքերում պահանջվում է ցմահ բուժում՝ ցնցումները վերահսկելու համար, սակայն մյուսների մոտ ցնցումներն ի վերջո անհետանում են: Էպիլեպսիայով հիվանդ որոշ երեխաներ տարիքի հետ կարող են հաղթահարել հիվանդությունը:

Ի՞նչ են տենդային ցնցումները

Տենդային (ֆեբրիլ) ցնցումները զարգանում են վիրուսային վարակ ունեցող և բարձր ջերմող մանկահասակ երեխաների մոտ։ Ցնցումները առաջանում են մինչև 6 տարեկան առողջ երեխաների մինչև 3%-ի մոտ։ Տենդային ցնցումները էպիլեպսիա չեն և չեն բարձրացնում էպիլեպսիայի հավանականությունը։

Հոդվածը տեղադրվել է՝ 22-04-2019 վերանայվել է՝ 05-11-2023 | Հիմնական աղբյուր՝ Evidence-Based Overviews

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով