Գրադարան
Էսենցիալ տրեմոր. ախտանիշներ
1 րոպե
Հիվանդության ամենաառանձնահատուկ նշանը ձեռքերի դողն է (տրեմոր) կամ ցնցումանման շարժումները:
Էսենցիալ տրեմորը՝
- սկսվում է աստիճանաբար և սովորաբար ավելի նկատելի է մարմնի մի կողմում
- սովորաբար առաջանում է առաջին հերթին ձեռքերում՝ ազդելով մեկ կամ երկու ձեռքերի վրա
- վատանում է շարժման հետ, օրինակ՝ երբ ձեռքերը պարզած են առաջ կամ բաժակ պահելիս, գդալ օգտագործելիս կամ գրելիս
- սովորաբար դադարում է, երբ դաստակները (ձեռքերը) ամբողջապես թուլացած են, օրինակ, երբ դրված են ծնկներին
- կարող է ներառել գլխի «այո-այո» կամ «ոչ-ոչ» շարժումներ
- կարող է սրվել հուզական սթրեսի, հոգնածության, կոֆեինի կամ ծայրահեղ ջերմաստիճանի պատճառով:
Էսենցիալ տրեմոր և Պարկինսոնի հիվանդություն
Բազմաթիվ մարդիկ տրեմորը կապում են Պարկինսոնի հիվանդության հետ, սակայն երկու վիճակները միմյանցից տարբերվում են:
- Տրեմորների առաջացման ժամանակը. էսենցիալ տրեմորի դեպքում ձեռքերի դողը սովորաբար առաջանում է ձեռքերն օգտագործելիս։ Պարկինսոնի հիվանդության հետ կապված տրեմորներն առավել նկատելի են, երբ ձեռքերը գտնվում են մարմնի կողքերում կամ հանգիստ վիճակում են:
- Փոխկապված վիճակները. էսենցիալ տրեմորն առողջական այլ խնդիրներ չի առաջացնում, սակայն Պարկինսոնի հիվանդությունը կապված է կռացած կեցվածքի, շարժումների դանդաղկոտության և քայլելիս ոտքերը քաշ տալու հետ: Այնուամենայնիվ, էսենցիալ ունեցող մարդկանց մոտ երբեմն զարգանում են նյարդաբանական այլ գանգատներ և ախտանիշներ, օրինակ՝ անկայուն քայլք:
- Մարմնի տուժած շրջանները. էսենցիալ տրեմորը հիմնականում ազդում է ձեռքերի, գլխի և ձայնի վրա: Պարկինսոնի հիվանդության տրեմորը սովորաբար սկսվում է ձեռքերից և կարող է ազդել ոտքերի, կզակի և մարմնի այլ մասերի վրա:
Հոդվածը տեղադրվել է՝ 24-05-2023 վերանայվել է՝ 24-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
