Գրադարան
Պարբերական հիվանդություն. պատճառներ
1 րոպե
Պարբերական հիվանդությունը (ՊՀ) կամ ընտանեկան միջերկրածովյան տենդը պայմանավորված է գենային փոփոխությամբ, որը փոխանցվում է ծնողներից երեխաներին:
Գենային փոփոխությունը՝ մուտացիան ազդում է իմունային համակարգի պիրին կոչվող պրոտեինի գործառույթի վրա՝ խնդիրներ առաջացնելով օրգանիզմում բորբոքումը կարգավորելու հարցում:
ՊՀ ունեցող մարդկանց մոտ մուտացիա է տեղի ունենում MEFV կոչվող գենում: MEFV-ի շատ տարբեր մուտացիաներ կապված են ՊՀ-ի հետ: Որոշ մուտացիաներ կարող են առաջացնել շատ ծանր դեպքեր, մինչդեռ մյուսները կարող են հանգեցնել ավելի մեղմ գանգատների և ախտանիշների:
Դեռևս անհասկանալի է, թե կոնկրետ ինչն է հրահրում նոպաները կամ կրիզները, սակայն դրանք կարող են առաջանալ հուզական սթրեսի, դաշտանի, ցրտին ենթարկվելու և ֆիզիկական սթրեսի, օրինակ՝ հիվանդության կամ վնասվածքի դեպքում:
Ռիսկի գործոններ
Գործոնները, որոնք կարող են մեծացնել ՊՀ-ի ռիսկը, ներառում են հետևյալը:
- Խանգարման ընտանեկան պատմություն (անամնեզ). եթե ունեք ՊՀ-ի ընտանեկան պատմություն, ուրեմն ունեք խանգարման ավելի բարձր ռիսկ:
- Միջերկրածովյան ծագում. եթե ձեր ընտանիքի տոհմածառը հասնում է միջերկրածովյան տարածաշրջան, խանգարման ձեր ռիսկը կարող է մեծանալ: ՊՀ-ը կարող է ազդել ցանկացած էթնիկ խմբի մարդկանց վրա, սակայն կարող է ավելի հավանական լինել հրեական, արաբ, հայ, թուրք, հյուսիսաֆրիկյան, հունական կամ իտալական ծագում ունեցող մարդկանց մոտ:
Հոդվածը տեղադրվել է՝ 23-04-2019 վերանայվել է՝ 02-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
