Գրադարան
Տենդային (ֆեբրիլ) ցնցումներ
1 րոպե
Տենդային կամ ջերմային ցնցումները երեխայի մոտ առաջացող ջղաձգության նոպաներ են, որոնք առաջանում են բարձր ջերմության կամ տենդի պատճառով:
Բարձր ջերմությունը կամ տենդը հաճախ առաջանում է վարակից։ Տենդային ցնցումներն առաջանում են մանկահասակ, առողջ երեխաների մոտ, ովքեր ունեն նորմալ զարգացում և նախկինում որևէ նյարդաբանական ախտանիշ չեն ունեցել: Մարմնի ջերմաստիճանի կտրուկ բարձրացումն առաջացնում է գլխուղեղի էլեկտրական պարպման խանգարում, որի արդյունքում էլ զարգանում են ջղաձգումներ (կոնվուլսիաներ): Միջինը 100 երեխայից 3-ի մոտ կարող է առաջանալ տենդային ցնցում:
Իրականում, դուք կարող եք խիստ վախենալ կամ ձեզ կորցնել, երբ ձեր երեխան ունի տենդային ցնցումներ: Բարեբախտաբար, դրանք սովորաբար անվնաս են, տևում են ընդամենը մի քանի րոպե և սովորաբար չեն առաջացնում գլխուղեղի վնասում կամ չեն վկայում լուրջ առողջական խնդիրների մասին:
Դուք կարող եք օգնել՝ անվտանգ պահելով ցնցումային ջղաձգումներով ձեր երեխային և դրանից հետո ապահովելով հարմարավետ պայմաններ: Զանգեք ձեր բժշկին, որ նման վիճակից հետո ձեր երեխային հնարավորինս շուտ զննվի և հետազոտվի:
Հոդվածը տեղադրվել է՝ 20-05-2020 վերանայվել է՝ 09-07-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
