Տենդային ջղաձգումների մեծ մասը տեղի է ունենում բարձր ջերմության առաջին մի քանի ժամերին՝ մարմնի ջերմաստիճանի սկզբնական բարձրացման ժամանակ:
Ձեր երեխային դեղեր տալը
Ջերմության սկզբում ձեր երեխային Ացետամինոֆեն (Պարացետամոլ, Թայլենոլ և այլն ուրիշներ) կամ Իբուպրոֆեն (Ադվիլ, Մոտրին և այլն) տալը կարող է ձեր երեխային ավելի հարմարավետ դարձնել, բայց դա չի կանխի ցնցումը:
Զգույշ եղեք երեխաներին կամ դեռահասներին Ասպիրին տալիս: Չնայած Ասպիրինը հաստատված է 3 տարեկանից բարձր երեխաների օգտագործման համար, ջրծաղիկից կամ գրիպանման ախտանիշներից վերականգնվող երեխաները և դեռահասները երբեք չպետք է Ասպիրին ստանան: Դա պայմանավորված է նրանով, որ Ասպիրինը կապված է Ռեյի համախտանիշի հետ, որը նման երեխաների մոտ հազվադեպ հանդիպող, սակայն պոտենցիալ կյանքին սպառնացող վիճակ է:
Դեղատոմս պահանջող կանխարգելիչ դեղամիջոցներ
Հազվադեպ, օգտագործվում են դեղատոմս պահանջող հակացնցումային դեղեր՝ փորձելով կանխել տենդային ցնցումները: Այնուամենայնիվ, այս դեղամիջոցները կարող են ունենալ լուրջ կողմնակի ազդեցություններ, որոնք կարող են գերազանցել ցանկացած հնարավոր օգուտը:
Ուղիղաղիքային օգտագործման (ռեկտալ) Դիազեպամը (Դիաստատ) կամ քթային Միդազոլամը կարող են նշանակվել ըստ անհրաժեշտության, այն երեխաների համար, ովքեր հակված են երկարատև տենդային ցնցումների: Այս դեղամիջոցները սովորաբար օգտագործվում են ցնցումների բուժման համար, որոնք տևում են ավելի քան հինգ րոպե կամ եթե երեխան 24 ժամվա ընթացքում ունենում է մեկից ավելի ցնցում: Դրանք սովորաբար չեն օգտագործվում տենդային ցնցումները կանխելու համար:
Հոդվածը հրապարակվել է՝ 20-03-2023
Վերջին վերանայում՝ 08-04-2024