Ախտորոշում - Տենդային ցնցումներ

Տենդային ջղաձգումները առաջանում են նորմալ զարգացում ունեցող երեխաների մոտ:

Ձեր բժիշկը ուշադիր կուսումնասիրի ձեր երեխայի հիվանդության պատմությունը և զարգացման պատմությունը՝ բացառելու էպիլեպսիայի ռիսկի այլ գործոններ: Նորմալ զարգացող երեխաների դեպքում առաջին քայլը ցնցումային նոպայից հետո ձեր երեխայի ջերմության պատճառի բացահայտումն է:

Պարզ տենդային ցնցումներ

Երեխաները, ովքեր ժամանակին ստանում են իրենց բոլոր պատվաստումները և ունենում են առաջին պարզ տենդային ցնցումը, հետազոտման կարիք չունեն: Ձեր բժիշկը կարող է ախտորոշել տենդային ցնցումը՝ հիմնվելով պատմության վրա:

Պատվաստումների հետաձգված ժամանակացույցով կամ թուլացած իմունային համակարգով երեխաներին բժիշկը կարող է խորհուրդ տալ որոշ հետազոտություններ՝ ծանր վարակներ հայտնաբերելու համար, օրինակ՝

• արյան թեստ
• մեզի թեստ
• ողնուղեղային հեղուկի թեստ, երբ գոտկային պունկցիայով ստացվում է ողնուղեղային հեղուկի նշում, որը ստուգվում է կենտրոնական նյարդային համակարգի վարակի համար, ինչպիսին հանդիսանում է մենինգիտը:

Բարդ տենդային ցնցումներ

Բարդ տենդային ջղաձգումների պատճառը ախտորոշելու համար ձեր բժիշկը նաև կարող է խորհուրդ տալ էլեկտրաէնցեֆալոգրաֆիա (ԷԷԳ)՝ անցավ գործիքային հետազոտություն, որը չափում է ուղեղի էլեկտրական ակտիվությունը:

Ձեր բժիշկը նաև կարող է խորհուրդ տալ մագնիսա-ռեզոնանսային տոմոգրաֆիա (ՄՌՏ)՝ ձեր երեխայի գլխուղեղը ստուգելու համար, եթե ձեր երեխան ունի՝

• անսովոր մեծ գլուխ
• նյարդաբանական գնահատման ոչ նորմալ արդյունք
• ներգանգային ճնշման բարձրացման գանգատներ և ախտանիշներ
• տենդային ցնցում, որը տևել է անսովոր երկար: