Ֆիբրոմիալգիա. ինքնօգնություն

Ֆիբրոմիալգիա. ինքնօգնություն

Ֆիբրոմիալգիայի դեպքում ինքնօգնությունը և ինքնախնամքը վճռորոշ նշանակություն ունեն:

  • Սթրեսի կառավարում. մշակեք գերլարվածությունը և հուզական սթրեսը սահմանափակող կամ դրանցից խուսափելու ծրագիր: Ամեն օր հանգստին ու ժամանցին տրամադրեք բավարար ժամանակ: Սովորեք «ոչ» ասել առանց մեղքի զգացման: Սակայն մի՛ փորձեք «գլխիվայր շրջել» ձեր առօրյա կյանքը: Աշխատանքից կամ առօրյա զբաղմունքներից կտրուկ հրաժարվող մարդիկ հակված են ավելի վատ վիճակում հայտնվել, քան նրանք, ովքեր շարունակում են մնալ ակտիվ: Փորձեք սթրեսի կառավարման հնարքներ, օրինակ՝ խոր շնչառական վարժանքներ կամ մեդիտացիա:
  • Քնի հիգիենա. ընդհանուր թուլությունն ու հոգնածության զգացումը ֆիբրոմիալգիայի գլխավոր բաղադրիչներն են, ուստի բավարար որակի քունը խիստ կարևոր է: Քնին մեծ ժամանակ հատկացնելուց բացի ամրապնդեք առողջ քնի սովորույթ, օրինակ՝ ամեն օր մտեք անկողին և առավոտյան արթնանցեք նույն ժամերին կամ սահմանափակեք ցերեկային քունը:
  • Կանոնավոր վարժանքներ. նախապես խորհրդակցելով ձեր բժշկի հետ, դանդաղորեն և աստիճանաբար անցեք կանոնավոր վարժանքների: Սկզբում գուցե որոշ մկանային ցավեր կամ դիսկոմֆորտ զգաք, որը վարժանքները շարունակելու դեպքում հետզհետե կմեղմանան: Փորձեք քայլել, լողալ, հեծանիվ վարել կամ զբաղվել ձեր նախընտրելի, սակայն՝ ոչ խիստ ծանրաբեռնող գործերով (այգեգործություն և այլն)։ Ֆիզիոթերապևտը կարող է օգնել, որ մշակեք տնային վարժանքների ձեր վիճակին համապատասխանող ծրագիր: Ձգումները, կեցվածքն ամրապնդող և թուլացնող վարժանքները նույնպես կարող են օգտակար լինել:
  • Ստեղծե՛ք խելամիտ հավասարակշռություն. պահե՛ք ձեր ակտիվությունը համարժեք մակարդակի վրա: Եթե լավ ինքնազգացողության օրերին չարաշահեք ֆիզիկական ակտիվությունը, կարող եք ունենալ ավելի շատ «վատ» օրեր: Չափավորումը նշանակում է, որ պետք չէ ամեն ինչ անել «լավ» օրերին և խուսափել որևէ ակտիվությունից «վատ» օրերին:
  • Հետևե՛ք առողջ ապրելակերպի սկզբունքներին. ձեր սնունդը դարձրեք առողջարար: Մի՛ օգտագործեք ծխախոտային արտադրատեսակներ: Սահմանափակեք կոֆեինի օգտագործումը: Լցրեք ձեր օրը հաճելի զբաղմունքներով:

Հոդվածը վերանայվել է՝ 31-03-2021