Ախտանիշներ - Ֆիբրոմիալգիա

Ֆիբրոմիալգիայի գանգատները և ախտանիշները կարող են սկսվել հանկարծակի՝ որևէ պատահարից հետո կամ աստիճանաբար՝ առանց որևէ հստակ դրդապատճառի:

Ֆիբրոմիալգիայի առաջնային ախտանիշները նեառում են հետևյալը:

• Տարածուն ցավեր. ֆիբրոմիալգիայով պայմանավորված ցավը հաճախ նկարագրվում է որպես մշտական բութ ցավ, որը տևել է առնվազն երեք ամիս: Տարածուն համարվելու համար ցավը պետք է առաջանա ձեր մարմնի երկու կողմերում և գոտկատեղից վեր և ներքև: Ցավը կարող է ուժեղանալ, եթե դուք վատ եք քնում, երկար ժամանակ գտնվում եք ցուրտ պայմաններում, զգում եք անհանգստություն կամ սթրես:
• Հոգնածություն. ֆիբրոմիալգիայով մարդիկ հաճախ արթնանում են հոգնած վիճակում, չնայած նշում են, որ երկար ժամանակ են քնում: Քունը հաճախ ընդհատվում է ցավիպատճառով, և ֆիբրոմիալգիայով շատ հիվանդներ ունեն քնի այլ խանգարումներ, ինչպիսիք են անհանգիստ ոտքերի համախտանիշը և քնի ապնոէն:
• Ճանաչողական (կոգնիտիվ) դժվարություններ. ախտանիշը, որը սովորաբար կոչվում է «ֆիբրո մառախուղ», խաթարում է կենտրոնանալու, ուշադրություն դարձնելու և մտավոր խնդիրների վրա կենտրոնանալու ունակությունը:

Ֆիբրոմիալգիան հաճախ զուգակցվում է այլ վիճակների հետ, ինչպիսիք են՝

• գրգռված աղու համախտանիշ
• քրոնիկ հոգնածության համախտանիշ (միալգիկ էնցեֆալիտ)
• միգրեն և գլխացավի այլ տեսակներ
• ինտրեստիցիալ ցիստիտ կամ ցավոտ միզապարկի համախտանիշ
• քունք-ստործնոտային հոդի խանգարումներ
• անհանգստություն և տագնապ
• դեպրեսիա
• դիրքային հաճախասրտության (պոստուրալ տախիկարդիայի) համախտանիշ:

Ե՞րբ դիմել բժշկին

Դիմեք ձեր բժշկին, եթե ձեզ մոտ նկատել եք ֆիբրոմիալգիայի գանգատներից և ախտանիշներից մեկնումեկը: