Ֆիբրոմիալգիա. ախտանիշներ

Ֆիբրոմիալգիա. ախտանիշներ

Ֆիբրոմիալգիայի ախտանիշները հաճախ սկսվում են սուր՝ որևէ պատահարից հետո կամ աստիճանաբար՝ առանց որևէ հստակ պատճառի:

Ֆիբրոմիալգիայի ախտանիշների դրսևորման «առիթ» համարվող հիվանդություններից ու վիճակներից են՝ ֆիզիկական տրավմա, վիրահատություն, վարակային հիվանդություններ կամ չափավոր կամ հզոր հոգեբանական սթրես:

Ֆիբրոմիալգիայի առաջնային ախտանիշները նկարագրված են ստորև:

  • Տարածուն ցավեր. ֆիբրոմիալգիայով պայմանավորված ցավերը հաճախ նկարագրվում են որպես կայուն բութ ցավեր, այրոցի զգացողություն, թմրածություն կամ ծակծկոցներ, որոնք շարունակվում են առնվազն երեք ամիս: Տարածուն համարվելու համար ցավը պետք է ընդգրկի ձեր մարմնի երկու կողմերը և ինչպես իրանից վերև, այնպես էլ ներքև ընկած շրջանները:
  • Ընդհանուր թուլություն. ֆիբրոմիալգիայով մարդիկ հաճախ արթնանում են հոգնածության զգացումով, նույնիսկ եթե քունը տևել է բավականին երկար: Քունը հաճախ ընդհատվում է ցավերի պատճառով, և ֆիբրոմիալգիայով բազմաթիվ մարդիկ ունեն այլ քնի խանգարումներ, օրինակ՝ անհանգիստ («պարող») ոտքերի համախտանիշ և քնի ապնոէ:
  • Կոգնիտիվ (ճանաչողական) դժվարություններ. հաճախ «ֆիբրոզ մառախուղ» կոչվող ախտանիշը ազդում է այնպիսի մտավոր գործառույթների վրա, ինչպիսիք են ուշադրության կենտրոնացումը, կարճատև և երկարատև հիշողությունը, աշխատունակությունը, շարժողական ակտիվությունը կամ բազմազբաղությունը:

Ֆիբրոմիալգիայով մարդիկ հաճախ նշում են, որ իրենց գանգատները ժամանակի ընթացքում փոփոխվում են և կարող են սաստկանալ հոգեբանական, սոցիալական կամ ֆիզիկական սթրեսից հետո:

Ֆիբրոմիալգիան հաճախ ուղեկցվում է այլ հիվանդություններով կամ առողջական խնդիրներով, որոնցից են՝

Հոդվածը վերանայվել է՝ 31-03-2021