Ախտորոշում - Ֆիբրոմիալգիա

Անցյալում բժիշկներն ամուր սեղմելով ստուգում էին մարդու մարմնի 18 կոնկրետ կետեր՝ տեսնելու, թե դրանցից քանիսն էին ցավոտ:

Ամերիկյան ռևմատոլոգիայի քոլեջի (ACR) նոր ուղեցույցները չեն պահանջում ցավոտ կետերի քննություն:

Դրա փոխարեն, ֆիբրոմիալգիայի ախտորոշման համար անհրաժեշտ հիմնական գործոնը ձեր մարմնում առնվազն երեք ամիս տարածուն ցավի առկայությունն է: Ախտորոշիչ չափորոշիչներին համապատասխանելու համար դուք պետք է ցավ ունենաք այս հինգ շրջաններից առնվազն չորսում:

• Ձախ վերին շրջան, ներառյալ ձախ ուսագոտին, ձեռքը կամ ստորին ծնոտը
• Աջ վերին շրջան, ներառյալ աջ ուսագոտին, ձեռքը կամ ստորին ծնոտը
• Ձախ ստորին շրջան, ներառյալ ձախ ազդրը, հետույքը կամ ոտքը
• Աջ ստորին շրջան, ներառյալ աջ ազդրը, հետույքը կամ ոտքը
• Առանցքային շրջան, ներառյալ պարանոցը, մեջքը, կրծքավանդակը կամ որովայնը:

Հետազոտություններ

Ձեր բժիշկը կարող է ցանկանալ բացառել այլ վիճակները, որոնք կարող են դրսևորվել նմանատիպ ախտանիշներով: Արյան թեստերը կարող են ներառել՝

• արյան ընդհանուր քննություն (CBC)
• էրիթրոցիտների նստման արագություն (ESR)
• ցիկլիկ ցիտրուլինացված պեպտիդի թեստ (Anti-CCP)
• ռևմատոիդ գործոն (RF)
• վահանաձև գեղձի գործունեության թեստեր
• հակակորիզային հակամարմին (ANA)
• ցելիակայի շճաբանություն
• վիտամին D:

Եթե հավանականություն կա, որ դուք ունեք քնի անպոէ, ձեր բժիշկը կարող է խորհուրդ տալ գիշերային քնի հետազոտություն: