Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Սեռական հերպեսը սեռական ճանապարհով փոխանցվող հիվանդություն է, որը հարուցվում է հասարակ հերպեսի վիրուսով:
Հասարակ հերպեսի վիրուսը (ընդունված միջազգային հապավումը՝ HSV) պատկանում է վիրուսների նույն այն տեսակին, որը մրսելիս շրթունքների վրա առաջացնում է «մրսածության հերպես»՝ թափանցիկ հեղուկով լցված մանր բշտիկներ:
Զարգացած երկրներում սեռական ակտիվ կյանք վարող չափահասների շրջանում HSV տարածվածությունը անցնում է 10%-ը:
Հասարակ հերպեսի վիրուսը կարող է արտահայտվել սեռական օրգանների և հետանցքի շրջանում բշտիկային ցանավորման բռնկումներով: Մեկ անգամ վարակվելով, դուք կարող եք ձեր կյանքի ընթացքում ժամանակ առ ժամանակ ունենալ հիվանդության ախտանիշների կրկնություն (կոչվում է «ախտադարձություն»):
Կան HSV-ի երկու տեսակներ, և երկուսն էլ կարող են ախտահարել ձեր շրթունքները, բերանը, սեռական օրգանների կամ հետանցքի շրջանը, սակայն՝
Հերպեսը սովորաբար հեշտությամբ տարածվում է, երբ ի հայտ են ջրային բշտիկներ կամ խոցեր, սակայն կարող է հիվանդից առողջին փոխանցվել նաև այն դեպքում, երբ բշտիկները, խոցերը կամ «ակտիվ» վարակի մյուս նշանները բացակայում են:
Սեռական հերպեսը համարվում է սեռական ճանապարհով փոխանցվող հիվանդություն (ՍՃՓՀ): Վարակը փոխանցվում է ուղղակի շփման («մաշկից՝ մաշկ») միջոցով՝ սեռական հարաբերություն, համբուրվել, սեռական «նախերգանք» և այլն:
Եթե կարծում եք, որ դուք ունեք սեռական հերպես, կարևոր է, որ առանց երկար ձգձգելու այցելեք ձեր բժշկին: Եթե բժշկի նշանակած հետազոտություններով հիվանդության ախտորոշումը հաստատում է, նա կարող է նշանակել համապատասխան բուժում:
Սեռական հերպես ունենալիս կարևոր է նաև, որ դուք խստորեն պահպանեք անվտանգ սեռական հարաբերության սկզբունքները, օրինակ՝ օգտագործեք պահպանակ: Ձեր սեռական զուգընկերոջը չվարակելու համար պետք է նկատի ունենալ, որ դուք կարող եք փոխանցել վիրուսը թեկուզ հիվանդության նշանների բացակայության ժամանակ (սեռական օրգանների և հետանցքի շրջանում բշտային ցան և այլն): Խիստ ցանկալի է, որ բշտերի, խոցերի առկայության դեպքում սեռական շփումներից ժամանակավորապես հրաժարվեք:
Հիշեք նաև, որ HSV-ն կարող է տարածվել նաև անպաշտպան բերանային (օրալ) և հետանցքային (անալ) սեռական հարաբերությամբ:
Եթե դուք կամ ձեր սեռական զուգընկերն ունեք (կամ ունեցել եք) սեռական հերպես, ապա շատ կարևոր է, որ այդ մասին տեղեկացնեք հղիությունը հսկող բժշկին:
Իմանալով այս մասին, բժիշկը կնախաձեռնի ձեր հղիության անվտանգ ընթացքն ապահովող մի շարք միջոցառումներ:
Որոշակի վտանգ կա նաև, որ դուք վարակը կփոխանցեք ձեր մանկիկին, հատկապես, եթե ձեր հիվանդության առաջին «գրոհն» ուղեկցվել է հեշտոցային արտադրությամբ: Նման դեպքերում ձեզ կարող են առաջարկել նաև կեսարյան հատում:
Հոդվածը վերանայվել է՝ 18-05-2019
