Սեռական հերպես. բուժում

Սեռական կամ գենիտալ հերպեսը որևէ վերջնական բուժում չունի:

Այնուամենայնիվ, սեռական հերպեսի ժամանակ բժշկի նշանակած հակավիրուսային դեղամիջոցոները կարող են՝

• նախնական բռնկման փուլում օգնել խոցերի ավելի շուտ լավացմանը
• մեղմացնել կրկնվող բռնկումների ախտանիշների ծանրության աստիճանը և տևողությունը
• կրճատել կրկնությունների (ախտադարձ կամ ռեցեդիվ) հաճախականությունը
• նվազեցնել հերպեսի վիրուսի փոխանցումն այն մարդկանց:

Սեռական հերպեսի բուժման մեջ օգտագործվում են հետևյալ հակավիրուսային դեղամիջոցները՝

• Ացիկլովիր (Զորիվաքս)
• Վալացիկլովիր (Վալտրեքս):

Հակավիրուսային դեղամիջոցներն առավել արդյունավետ են, երբ սկսում են օգտագործվել հերպեսի առաջին նշաններն ի հայտ գալուց հետո մինչև 72 ժամվա ընթացքում:

Բժիշկը կարող է խորհուրդ տալ, որ դեղամիջոցներն ընդունեք միայն սուր ախտանիշների ժամանակ կամ որոշ դեղամիջոցներ ընդունեք ամեն օր, նույնիսկ ախտանիշների բացակայության դեպքում: Դեղամիջոցները սովորաբար լավ են տարվում և ունեն միայն քիչ կողմնակի ազդեցություններ:

Հերպեսային բշտիկների և դրանց «պայթելուց» զարգացած խոցերի հետ կապված գանգատները նաև կարելի է մեղմացնել այս մեթոդներով՝

• ախտահարված շրջանների նուրբ լվացում գոլ աղային լուծույթով (1 թեյի գդալ աղը 2 բաժակ ջրում կամ 1 բաժակ աղը վաննայում)
• սովորական ցավազրկողներ, օրինակ՝ Ացետամինոֆեն (Թայլենոլ, Պարացետամոլ) կամ Իբուպրոֆեն (Ադվիլ, Մոտրին)
• տեղային անզգայացնող քսուքներ
• եթե միզելը խիստ ցավոտ է, փորձել միզել տաք լոգանքի ընթացքում:

Խորհուրդ է տրվում նաև սեռական հերպեսի բուռն ընթացքի շրջանում (սեռական օրգանների կամ հետանցքի շրջանում բշտիկային կամ խոցային ցան) խուսափել սեռական հարաբերություններից: