Գոնորեա (սուսանակ)

Գոնորեա (սուսանակ)
ՀՄԴ-10 ծածկագիր A54. Գոնոկոկային վարակ

Գոնորեան վարակ է, որի պատճառը սեռական ճանապարհով փոխանցվող բակտերիա է։

Գոնորեայի հարուցիչը վարակում է ինչպես տղամարդկանց, այնպես էլ կանանց: Կախված վարակի փոխանցման ճանապարհից՝ առավել հաճախ ախտահարվում են միզուկը, ուղիղ աղիքը կամ ըմպանը: Կանանց մոտ գոնորեան նաև կարող է վարակել արգանդի վզիկը:

Գոնորեան առավել հաճախ տարածվում է հեշտոցային (վագինալ), բերանային (օրալ) և հետանցքային (անալ) սեռական հարաբերության ընթացքում: Սակայն վարակված մայրերից նորածինները կարող են վարակվել ծննդաբերության ընթացքում: Նորածինների մոտ գոնորեան առավել հաճախ ախտահարում է աչքերը (շաղկապենու բորբոքում):

Սեռական հարաբերություններից զերծ մնալը, սեռական հարաբերությունների ժամանակ պահպանակ օգտագործելը և փոխադարձ մոնոգոմ փոխհարաբերությունները սեռական ճանապարհով փոխանցվող հիվանդությունների (ՍՃՓՀ) կանխարգելման լավագույն ուղիներն են:

Հոդվածը վերանայվել է՝ 16-01-2023