Գոնորեա. կանխարգելում

Գոնորեա. կանխարգելում

Կան մի շարք միջոցներ, որոնք կարող են նվազեցնել գոնորեայով վարակվելու ռիսկը:

Դուք կարող եք զգալիորեն կրճատել գոնորեայով վարակվելու կամ տարածելու ռիսկը, եթե հետևեք հետևյալ պարզ կանոններին:

  • Սեռական հարաբերության ժամանակ օգտագործե՛ք պահպանակներ. գոնորեայի կանխարգելման ամենավստահելի ճանապարհը սեռական կյանքից հրաժարվելն է: Սա գուցե ամենահուսալի, սակայն ոչ լավագույն ուղին է: Ուստի, ցանկացած տեսակի սեռական հարաբերության ժամանակ օգտագործեք պահպանակներ: Յուրաքանչյուր սեռական հարաբերության ժամանակ պահպանակի ճիշտ օգտագործումը թեև կրճատում, սակայն ամբողջապես չի վերացնում գոնորեայով կամ մեկ այլ սեռական ճանապարհով փոխանցվող հիվանդությամբ (ՍՃՓՀ) վարակվելու ռիսկը:
  • Սահմանափակե՛ք ձեր սեռական զուգընկերների թիվը. մոնոգամ փոխհարաբերությունը, երբ զուգընկերներից և ոչ մեկն այլ մարդու հետ սեռական հարաբերության մեջ չի մտնում, անհամեմատ կրճատում է գոնորեայով կամ մեկ այլ ՍՃՓՀ-ով վարակվելու ռիսկը:
  • Համոզվե՛ք, որ ձեր սեռական զուգընկերը ստուգվել է ՍՃՓՀ-ի նկատմամբ. մինչև սեռական կապի մեջ մտնելը դուք և ձեր զուգընկերը կարող եք թեստավորվել գոնորեայի և մյուս ՍՃՓՀ-ի նկատմամբ և միմյանց ներկայացնել ձեր արդյունքները:
  • Խուսափե՛ք սեռական շփում ունենալ որևէ մեկի հետ, ով հավանական է, որ ունի ՍՃՓՀ. եթե ձեր սեռական զուգընկերն ունի որևէ ՍՃՓՀ ախտանիշներ, օրինակ՝ միզելիս այրոցանման ցավեր, սեռական օրգանների շրջանում ցանավորում կամ խոցեր, հրաժարվեք նրա հետ սեռական հարաբերություն ունենալուց:
  • Պլանավորեք գոնորեայի նկատմամբ կանոնավոր սքրինինգ անցնելը. սեռական ակտիվ կյանք վարող և «բարձր ռիսկի» խմբերից մեկնումեկին պատկանող կանանց և տղամարդկանց խորհուրդ է տրվում տարին մեկ անգամ անցնել գոնորեայի սքրինինգ:

Գոնորեայով կրկնակի վարակումից խուսափելու համար խորհուրդ է տրվում զերծ մնալ սեռական հարաբերություններից, քանի դեռ դուք և ձեր սեռական զուգընկերը չեք ավարտել գոնորեայի (կամ մեկ այլ ՍՃՓՀ) բուժումը և ձեր ախտանիշները լիարժեք չեն անհետացել:

Հոդվածը վերանայվել է՝ 30-03-2021