Գոնորեա. բարդություններ

Գոնորեա. բարդություններ

Չբուժված գոնորեան կարող է առաջացնել լուրջ բարդություններ:

Գոնորեայի ամենահաճախ հանդիպող բարդությունները ներկայացվում են ստորև:

  • Կանաց անպտղություն. գոնորեան կարող է տարածվել դեպի արգանդ և ֆալոպյան փողեր՝ առաջացնելով փոքր կոնքի օրգանների բորբոքային հիվանդություն (ՓԿՕԲՀ): Վերջինս կարող է բերել փողերի սպիական փոփոխությունների, հղիության բարդությունների կամ անպտղության ռիսկի բարձրացման: ՓԿՕԲՀ-ն պահանջում է անհապաղ բուժում:
  • Տղամարդկանց անպտղություն. տղամարդկանց մոտ գոնորեային վարակը կարող է տարածվել դեպի ամորձու ետին եզրին գտնվող խողովակաձև գոյացություն՝ մակամորձի, որը պահպանում է չհասունացած սպերմատոզոիդները, երբ դրանք սկսում են հասունանալ: Չբուժված մակամորձու բորբոքումը (էպիդիդիմիտ) կարող է բերել անպտղության:
  • Վարակի տարածում հոդեր և այլ շրջաններ. գոնորեայի հարուցիչը՝ գոնոկոկը կարող է արյան հոսքով տարածվել, հասնել և ախտահարել մարմնի այլ շրջանները, այդ թվում՝ հոդերը, որը կարող է ընթանալ բարձր ջերմությամբ, ցանավորմամբ, մաշկային խոցերով, հոդացավերով, հոդերի այտուցվածությամբ և շարժունակության սահմանափակմամբ (կարկամություն):
  • ՄԻԱՎ-ով վարակվելու բարձրացած ռիսկ. գոնորեայի առկայությունը ձեզ դարձնում է ՄԻԱՎ վարակի նկատմամբ ավելի «խոցելի»: Սա այն հիվանդությունն է, որը բերում է ՁԻԱՀ-ի: Այն մարդիկ, ովքեր միաժամանակ ունեն գոնորեա և ՄԻԱՎ, այս վարակները կարող են ավելի հեշտությամբ փոխանցել իրենց սեռական զուգընկերներին:
  • Բարդություններ նորածինների մոտ. ծննդաբերության ընթացքում իր մորից վարակված նորածնի մոտ կարող է զարգանալ կուրություն, գլխամաշկի խոցեր և վարակներ:

Հոդվածը վերանայվել է՝ 30-03-2021