Գրադարան

Գոնորեա. բարդություններ

Գոնորեա. բարդություններ

Time Read 1 րոպե

Չբուժված գոնորեան կարող է հանգեցնել լուրջ բարդությունների:

  • Անպտղություն կանանց մոտ. գոնորեան կարող է տարածվել արգանդի և արգանդափողերի մեջ՝ առաջացնելով փոքր կոնքի օրգանների բորբոքային հիվանդություն (ՓԿՕԲՀ): ՓԿՕԲՀ-ն կարող է հանգեցնել փողերի սպիների, հղիության բարդությունների և անպտղության ավելի մեծ ռիսկի: ՓԿՕԲՀ-ն պահանջում է անհապաղ բուժում:
  • Անպտղություն տղամարդկանց մոտ. գոնորեան կարող է առաջացնել ամորձիների հետևի մասում, որտեղ գտնվում են սերմնահեղուկի ծորանները (մակամորձի), փոքր, ոլորված խողովակի բորբոքում (էպիդիդիմիտ): Չբուժված էպիդիդիմիտը կարող է հանգեցնել անպտղության:
  • Վարակի տարածում հոդեր և այլ շրջաններ. գոնորեա առաջացնող բակտերիան կարող է տարածվել արյան միջոցով և վարակել ձեր մարմնի այլ մասերը, այդ թվում՝ հոդերը: Հնարավոր հետևանքներից են ջերմությունը, ցանը, մաշկային խոցերը, հոդացավը, այտուցը և կարկամությունը:
  • ՄԻԱՎ/ՁԻԱՀ-ի ռիսկի բարձրացում. գոնորեա ունենալը ձեզ ավելի խոցելի է դարձնում մարդու իմունային անբավարարության վիրուսով (ՄԻԱՎ) վարակվելու նկատմամբ՝ այն վիրուսով, որը հանգեցնում է ՁԻԱՀ-ի: Մարդիկ, ովքեր ունեն և գոնորեա, և ՄԻԱՎ, կարող են երկու հիվանդություններն էլ ավելի հեշտությամբ փոխանցել իրենց զուգընկերներին:
  • Բարդություններ նորածինների մոտ. երեխաները, ովքեր ծննդաբերության ժամանակ մորից վարակվում են գոնորեայով, կարող են ունենալ կուրություն, գլխամաշկի խոցեր և վարակներ:

Հոդվածը տեղադրվել է՝ 07-03-2021 վերանայվել է՝ 07-03-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով