Գոնորեա. բուժում

1 րոպե

Գոնորեան բուժվում է ձեր բժշկի նշանակած հակաբիոտիկներով:

Չափահասների գոնորեայի բուժումը

Գոնորեա ունեցող չափահասները բուժվում են հակաբիոտիկներով: Դեղորայքակայուն Neisseria gonorrhoeae-ի առաջացող շտամների պատճառով ԱՄՆ Հիվանդությունների վերահսկման և կանխարգելման կենտրոնը (CDC) խորհուրդ է տալիս չբարդացած գոնորեան բուժել Ցեֆտրիաքսոն հակաբիոտիկով, որը տրվում է որպես ներարկում՝ զուգակցված բերանով ընդունվող (օրալ) Ազիթրոմիցինի (Զիտրոմաքս) հաբերի հետ:

Եթե դուք ալերգիկ եք ցեֆալոսպորինային հակաբիոտիկների նկատմամբ, ինչպիսին է Ցեֆտրիաքսոնը, ձեզ կարող է տրվել բերանով ընդունվող (օրալ) Գեմիֆլոքսացին (Ֆակտիվ) կամ ներարկային Գենտամիցին և օրալ Ազիթրոմիցին:

Զուգընկերների գոնորեայի բուժումը

Ձեր զուգընկերը նույնպես պետք է անցնի գոնորեայի թեստավորում և բուժում, նույնիսկ եթե չունի գանգատներ կամ ախտանիշներ: Ձեր զուգընկերը ստանում է նույն բուժումը, որը դուք ստանում եք: Նույնիսկ եթե դուք բուժվել եք գոնորեայի դեմ, չբուժված զուգընկերը կարող է այն նորից փոխանցել ձեզ:

Նորածինների գոնորեայի բուժումը

Գոնորեայով վարակված մայրերից ծնված երեխաները կարող են բուժվել հակաբիոտիկներով: