Պոդագրա․ բարդություններ

Պոդագրա․ բարդություններ

Պոդագրա ունեցող մարդկանց մոտ կարող են զարգանալ ավելի ծանր վիճակներ:

  • Կրկնվող պոդագրա. որոշ մարդկանց մոտ երբեք պոդագրայի ախտանիշների կրկնություն (ախտադարձ կամ ռեցեդիվ) չի գրանցվում: Մյուսները կարող են նշել տարեկան մի քանի անգամ պոդագրայի սրացում: Կրկնվող պոդագրայի ժամանակ դեղամիջոցները կարող են օգնել պոդագրայի նոպաների կանխարգելմանը: Չբուժելու դեպքում պոդագրան կարող է առաջացնել հոդի ձևախեղում և քայքայում:
  • Տարածված պոդագրա. չբուժված պոդագրան կարող է առաջացնել մաշկի տակ միզաթթվային բյուրեղների կուտակում և տոֆուս կոչվող հանգույցների ձևավորում: Տոֆուսներ կարող են զարգանալ մատների, դաստակի, ոտնաթաթերի, արմունկների կամ Աքիլեսյան գարշապարի երկայնքով: Տոֆուսները սովորաբար ցավոտ չեն, սակայն պոդագրայի սրացման փուլում կարող են այտուցվել և պնդանալ:
  • Երիկամային քարեր. պոդագրայով մարդկանց օրգանիզմում միզաթթվային բյուրեղները կարող են կուտակվել միզային համակարգում՝ առաջացնելով երիկամային քարեր: Դեղամիջոցները կարող են օգնել միզաքարային հիվանդության ռիսկի կրճատմանը:

Հոդվածը վերանայվել է՝ 23-07-2021