Բուժում - Հալիտոզ

Բերանի տհաճ հոտը նվազեցնելու համար կանխարգելեք կարիեսը և նվազեցրեք լնդային հիվանդության ռիսկը, ինչպես նաև հետևողականորեն կիրառեք բերանի խոռոչի պատշաճ հիգիենան:

Բերանի տհաճ հոտի հետագա բուժումը կարող է տարբեր լինել՝ կախված պատճառից: Եթե ենթադրվում է, որ ձեր բերանի տհաճ հոտը պայմանավորված է մեկ այլ առողջական խնդրով, ձեր ատամնաբույժը, հավանաբար, ձեզ խորհուրդ կտա այցելել ընտանեկան բժշկին:

Բերանի խոռոչի առողջության հետ կապված պատճառների դեպքում ատամնաբույժը կաշխատի ձեզ հետ՝ օգնելու ձեզ, որ ավելի լավ վերահսկեք այդ վիճակը: Ատամնաբուժական միջոցառումները կարող են ներառել հետևյալը:

• Բերանի խոռոչօ ողողումներ և ատամի մածուկներ. եթե ձեր բերանի տհաճ հոտը կապված է ատամների վրա բակտերիաների կուտակման հետ, ապա ձեր ատամնաբույժը կարող է խորհուրդ տալ բերանի խոռոչը ողողելու լուծույթ, որը սպանում է բակտերիաները: Ատամնաբույժը նաև կարող է խորհուրդ տալ հակաբակտերիալ միջոց պարունակող ատամի մածուկ, որը կարող է ոչնչացնել ատամնափառի կուտակում առաջացնող մանրէները:
• Ատամների հիվանդությունների բուժում. եթե դուք ունեք լնդային հիվանդություն, ձեզ կարող են ուղեգրել լնդերի մասնագետի մոտ (պարոդոնտոլոգ): Լնդային հիվանդությունը կարող է հանգեցնել ձեր ատամներից լնդերի հեռացմանը՝ թողնելով խորը գրպանիկներ, որոնք լցվում են հոտ առաջացնող բակտերիաներով: Երբեմն միայն մասնագիտական մաքրումը հեռացնում է այդ բակտերիաները: Ձեր ատամնաբույժը նաև կարող է խորհուրդ տալ փոխարինել անսարք պրոթեզները, որոնք բարենպաստ սննդային միջավայր են դառնում բակտերիաների համար: