Ախտանիշներ - Սրտի աղմուկներ

Սրտի անվնաս (անմեղ կամ ֆիզիոլոգիական) աղմուկները սովորաբար այլ ախտանշաններ չեն առաջացնում:

Սրտի անհանգստացնող (ախտաբանական) աղմուկի ախտանիշները կախված են պատճառից և կարող են ներառել հետևյալը՝

• կապույտ կամ մոխրագույն եղունգներ կամ շրթունքներ (ակրոցիանոզ)
• կրծքավանդակային (ետկրծոսկրային) ցավ
• հաճախացած սրտազարկ (տախիկարդիա) կամ սրտխփոցի զգացում
• հազ, որը չի անցնում
• գլխապտույտ
• այտուցված լյարդ (հեպատոմեգալիա)
• այտուցված պարանոցային երակներ
• ուշագնացություն
• ուժեղ քրտնարտադրություն՝ քիչ կամ առանց ֆիզիկական ակտիվության
• նորածինների մոտ՝ վատ ախորժակ և աճի հապաղում
• շնչարգելություն և հևոց
• ոտքերի կամ ոտնաթաթերի այտուցներ կամ քաշի հանկարծակի ավելացում:

Ե՞րբ դիմել բժշկին

Սրտի աղմուկների մեծ մասը լուրջ չէ: Եթե ​​մտահոգված եք սրտի աղմուկով, պայմանավորվեք և այցելեք ձեր ընտանեկան բժշկին: Ձեր բժիշկը կարող է ձեզ ասել, արդյոք անհրաժեշտ է հետագա ուշադրություն կամ բուժում: