Բուժում - Սրտի աղմուկներ

Սրտի անմեղ (ֆիզիոլոգիական) աղմուկները սովորաբար բուժման կարիք չունեն:

Եթե ​​աղմուկի պատճառը ջերմությունն է կամ վահանաձև գեղձի գերակտիվությունը (հիպերթիրեոզ), սրտի աղմուկը սովորաբար անհետանում է այդ վիճակները բուժելուց հետո:

Սրտի անհանգստացնող (ախտաբանական) աղմուկի բուժումը կախված է պատճառից: Սրտի անհանգստացնող աղմուկը պահանջում է բժշկի կողմից ուշադիր մշտադիտարկում: Կարող են անհրաժեշտ լինել դեղորայք կամ վիրահատություն:

• Դեղորայքային բուժումն ուղղված է սրտի աղմուկ առաջացնող սրտային խնդրի բուժմանը և կարող է ներառել հակամակարդիչներ (անտիկոագուլյանտներ), միզամուղներ, բարձր ճնշման դեմ դեղամիջոցներ և բետա-պաշարիչներ: Հստակ ցուցումների դեպքում նաև կարող են նշանակվել հակաբիոտիկներ:
• Վիրահատական միջամտության անհրաժեշտություն կարող է առաջանալ, եթե առկա են անհանգստացնող աղմուկ առաջացնող փականային և այլ խնդիրներ: Նման իրավիճակներում կարող է առաջարկվել բաց սրտի վիրահատություն, նվազագույն ինվազիվ սրտի վիրահատություն, ռոբոտային սրտի վիրահատություն կամ կաթետերային միջամտություններ: