Գրադարան

Սրտխփոց. ախտանիշներ

Սրտխփոց. ախտանիշներ

Time Read 1 րոպե

Սրտխփոցն այն է, երբ զգում եք, թե ինչպես է ձեր սիրտը կծկվում կամ բաբախում։

Սրտխփոցները կարող են զգացվել, որ կարծես սիրտը՝

  • բաց է թողնում հերթական սրտազարկը կամ կծկումը
  • թփրտում է
  • դողում կամ թրթռում է
  • կծկվում է խիստ արագացած
  • ուժգին հարվածում է կրծքավանդակին:

Սրտխփոցներ կարող եք զգալ սրտի շրջանում, ամբողջ կրծքավանդակում, կոկորդում կամ պարանոցի վրա: Դրանք կարող են առաջանալ ինչպես ֆիզիկապես ակտիվ, այնպես էլ հանգիստ վիճակում:

Ե՞րբ դիմել բժշկին

Ոչ հաճախակի առաջացող և միայն մի քանի վայրկյան տևող սրտխփոցները սովորաբար ստուգման կարիք չունեն: Եթե ունեք սրտային հիվանդության պատմություն և հաճախակի ի հայտ եկող կամ վատթարացող սրտխփոցներ, զրուցեք ձեր բժշկի հետ: Ձեր բժիշկը կարող է առաջարկել որոշ հետազոտություններ, որ ստուգի, թե արդյոք սրտխփոցի պատճառն ավելի լուրջ սրտային խնդիր է:

Դիմեք անհետաձգելի օգնության կամ զանգեք 1-03, եթե սրտխփոցն ուղեկցվում է՝

  • ետկրծոսկրային անհարմարավետության զգացողությամբ կամ ցավով
  • ուշագնացությամբ
  • սուր շնչարգելությամբ և հևոցով
  • սուր գլխապտույտով:

Հոդվածը տեղադրվել է՝ 23-06-2021 վերանայվել է՝ 02-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով