Գրադարան
Հեպատիտ B․ բարդություններ
1 րոպե
Հեպատիտ B-ի քրոնիկ վարակը կարող է հանգեցնել լուրջ բարդությունների։
- Լյարդի սպիացում (ցիռոզ). հեպատիտ B-ի վարակի հետ կապված բորբոքումը կարող է հանգեցնել լյարդի տարածուն սպիների (ցիռոզի), որը կարող է խաթարել լյարդի գործելու ունակությունը:
- Լյարդի քաղցկեղ. քրոնիկ հեպատիտ B-ով վարակված մարդիկ ունեն լյարդի քաղցկեղի բարձր ռիսկ:
- Լյարդային անբավարարություն. սուր լյարդային անբավարարությունը մի վիճակ է, երբ լյարդի կենսական գործառույթները դադարում են: Երբ դա տեղի է ունենում, կենդանի մնալու համար անհրաժեշտ է լյարդի փոխպատվաստում:
- Հեպատիտ B-ի վիրուսի վերաակտիվացում. քրոնիկ հեպատիտ B-ով մարդիկ, ովքեր ունեն թուլացած իմունային համակարգ, հակված են հեպատիտ B-ի վիրուսի վերաակտիվացմանը: Սա կարող է հանգեցնել լյարդի զգալի վնասման կամ նույնիսկ լյարդային անբավարարության: Սա ներառում է այն մարդկանց, ովքեր օգտագործում են իմունիտետն ընկճող դեղամիջոցներ, ինչպիսիք են բարձր դեղաչափերով կորտիկոստերոիդները կամ քիմիոթերապիան: Նախքան այս դեղերն ընդունելը, դուք պետք է թեստ անցնեք հեպատիտ B-ի համար: Եթե ստացվում է հեպատիտ B-ի դրական արդյունք, նախքան այս բուժումը սկսելը դուք պետք է հանդիպեք լյարդի մասնագետի (հեպատոլոգի) հետ:
- Այլ հիվանդություններ. քրոնիկ հեպատիտ B-ով մարդկանց մոտ կարող են զարգանալ երիկամային հիվանդություն կամ արյունատար անոթների բորբոքում:
Հոդվածը տեղադրվել է՝ 01-05-2020 վերանայվել է՝ 06-11-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
