Գրադարան
Հեպատիտ C. պատճառներ
2 րոպե
Հեպատիտ C-ի վարակը պայմանավորված է հեպատիտ C վիրուսով (HCV):
Վարակը տարածվում է, երբ վիրուսով վարակված արյունը ներթափանցում է չվարակված մարդու արյունը:
Ամբողջ աշխարհում HCV-ն գոյություն ունի մի քանի տարբեր ձևերով, որոնք հայտնի են որպես գենոտիպեր: Հայտնաբերվել են HCV-ի յոթ տարբեր գենոտիպեր և ավելի քան 67 ենթատեսակներ: ԱՄՆ-ում, Հարավային Ամերիկայում և Եվրոպայում HCV-ի ամենատարածված գենոտիպը տիպ 1 է:
Անկախ վարակիչ վիրուսի գենոտիպից, քրոնիկ հեպատիտ C-ն ունի նմանատիպ ընթացք, սակայն բուժման առաջարկությունները տարբերվում են՝ կախված վիրուսի գենոտիպից:
Ռիսկի գործոններ
Հեպատիտ C-ով վարակվելու ձեր ռիսկը մեծանում է, եթե դուք՝
- բուժաշխատող եք, ով ենթարկվել է վարակված արյան ազդեցությանը, ինչը կարող է տեղի ունենալ, եթե վարակված ասեղը ծակել է ձեր մաշկը
- երբևէ ապօրինի թմրամիջոցներ եք ներարկել կամ ներշնչել
- ունեք ՄԻԱՎ
- ստացել եք պիրսինգ կամ դաջվածք անմաքուր միջավայրում՝ օգտագործելով ոչ ստերիլ սարքավորումներ
- արյան փոխներարկում կամ օրգանի փոխպատվաստում եք ստացել մինչև 1992-ը
- ստացել եք մակարդման գործոնի խտանյութեր մինչև 1987-ը
- երկար ժամանակ ստացել եք հեմոդիալիզի բուժում
- ծնվել եք հեպատիտ C-ով վարակված կնոջից
- երբևէ բանտում եք եղել
- ծնվել եք 1945-ից 1965 թվականներին և և պատկանում եք հեպատիտ C-ով վարակման ամենաբարձր տարածվածությամբ տարիքային խբին:
Հոդվածը տեղադրվել է՝ 17-05-2021 վերանայվել է՝ 14-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
