Հեպատիտ C. ինքնօգնություն

Հեպատիտ C. ինքնօգնություն

Եթե ախտորոշել են հեպատիտ C, բժիշկը հավանաբար կառաջարկի ապրելակերպի որոշ փոփոխություններ:

Բժշկի խորհուրդները կօգնեն, որ հեպատիտ C-ի առկայության պայմաններում հնարավորինս պահպանեք առողջությունը և այլ մարդկանց պաշտպանեք վիրուսով վարակվելուց:

  • Դադարեցրե՛ք ալկոհոլի օգտագործումը. ալկոհոլն արագացնում է լյարդային հիվանդության հարաճուն զարգացումը:
  • Խուսափե՛ք այնպիսի դեղամիջոցների ընդունումից, որոնք կարող են վնասել լյարդը. բժշկի հետ վերանայեք ձեր բոլոր, այդ թվում՝ առանց դեղատոմսի դուրս գրվող դեղամիջոցները, ինչպես նաև բուսական պատրաստուկները և սննդային հավելումները: Բժիշկը կարող է խորհուրդ տալ, որ հրաժարվեք որոշ դեղամիջոցներից կամ պատրաստուկներից կամ դրանք փոխարինեք այլ՝ լյարդի կողմից ավելի հեշտ «տարվող» այլընտրանքներով:
  • Օգնե՛ք ձեր արյան հետ առնչվող այլ մարդկանց մոտ վարակի կանխարգելմանը. ստերիլ վիրակապով ծածկեք բոլոր բաց վերքերը և հրաժարվեք ածելիների, սափրիչների կամ ատամի խոզանակի համատեղ օգտագործումից: Հրաժարվեք նաև արյան, օրգանների կամ սերմնահեղուկի դոնորությունից: Բուժանձնակազմի հետ առնչվելիս տեղեկացրեք, որ ունեք հեպատիտ C: Տեղեկացրեք նաև ձեր սեռական զուգընկերներին և սեռական շփումներում միշտ օգտագործեք պահպանակներ:

Հոդվածը վերանայվել է՝ 17-05-2021