Գրադարան

Թարախային հիդրադենիտ. ախտանիշներ

Թարախային հիդրադենիտ. ախտանիշներ

Time Read 1 րոպե

Թարախային հիդրադենիտ կարող է զարգանալ մարմնի մեկ կամ մի քանի հատվածների մաշկի վրա:

Գանգատները և ախտանիշները ներառում են հետևյալը:

  • Սև կորյակներ. սև կորյակները (կետերը), որոնք իրենցից ներկայացնում են բաց խցանված ծակոտեններ, հայտնվում են մաշկի փոքր, ծալքավոր հատվածներում և հաճախ հայտնվում են զույգերով:
  • Սիսեռի չափի ցավոտ թմբիկներ (գնդիկներ). վիճակը սովորաբար սկսվում է մաշկի տակ գտնվող մեկ, ցավոտ գոյացությունից, որը պահպանվում է շաբաթներ կամ ամիսներ: Ավելի ուշ կարող են առաջանալ ավելի շատ թմբիկներ, սովորաբար՝ այն հատվածներում, որտեղ ավելի շատ քրտնագեղձեր և ճարպագեղձեր ունեք կամ որտեղ մաշկը քսվում է իրար՝ թևատակեր (անութափոսեր), աճուկներ, հետույք և կրծքերը:
  • Արտահոսող թմբիկներ (գնդիկներ), բշտիկներ կամ խոցեր. որոշ մաշկային տարրեր կամ խոցեր ավելի են մեծանում և բացվում են՝ առաջացնելով տհաճ հոտով թարախային արտադրություն:
  • Խուղակներ (թունելներ). ժամանակի ընթացքում մաշկի տակ կարող են գոյանալ խուղակներ՝ միմյանց միացնելով թմբիկները: Այս վերքերը դանդաղ են ապաքինվում (եթե լավանում են) կամ կարող են մեծանալ՝ առաջացնելով թարախաարյունային արտադրություն:

Այս վիճակն ունեցող որոշ մարդիկ կարող են նշել միայն թեթև ախտանիշներ և բժշկի չդիմեն: Հիվանդության ընթացքը խիստ փոփոխական է: Ավելորդ քաշը և ծխող լինելը կապված են ավելի արտահայտված ախտանիշների հետ, սակայն այն մարդիկ, ովքեր նիհար են և չեն ծխում, նույնպես կարող են ունենալ ծանր գանգատներ և ախտանիշներ:

Ե՞րբ դիմել բժշկին

Թարախային հիդրադենիտի վաղ ախտորոշումն արդյունավետ բուժման հիմքն է: Այցելեք ձեր մաշկաբանին, եթե ձեր վիճակը՝

  • պատճառում է ցավեր
  • դժվարացնում է շարժումներ անելը կամ տեղաշարժվելը
  • չի բարելավվում մի քանի շաբաթվա ընթացքում
  • բուժումից շաբաթներ անց կրկնվում է
  • ի հայտ է գալիս մի քանի շրջաններում
  • հաճախակի բռնկվում է:

Մաշկաբանը կարող է ձեզ հետ միասին կազմել բուժման ծրագրի: Որոշ դեպքերում բուժմանը կարող են ներգրավվել այլ մասնագետներ, հաճախ՝ վիրաբույժ:

Նկատի ունեցեք, որ թարախային հիդրադենիտը պարզապես թարախակույտ չէ, և այս վիճակն ունեցող բազմաթիվ մարդիկ նաև ունեն հարակից առողջական խնդիրներ:

Հոդվածը տեղադրվել է՝ 29-01-2024 վերանայվել է՝ 29-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով