Գրադարան

Գերքրտնարտադրություն. պատճառներ

Գերքրտնարտադրություն. պատճառներ

Time Read 1 րոպե

Քրտինքն ինքն իրեն հովացնելու օրգանիզմի մեխանիզմն է:

Նյարդային համակարգը ավտոմատ կերպով գործարկում է քրտնագեղձերը, երբ ձեր մարմնի ջերմաստիճանը բարձրանում է: Օրինակ, քրտնարտադրությունը խթանվում է արտաքին միջավայրի բարձր ջերմաստիճանային պայմաններում կամ ֆիզիկական ակտիվության ժամանակ: Քրտինքը նաև առաջանում է, հատկապես ձեր ափերին, երբ դուք հուզված կամ բարկացած եք:

Առաջնային հիպերհիդրոզն առաջանում է սխալ նյարդային ազդանշանների պատճառով, որոնք հրահրում են քրտնագեղձերին, որ դրանք դառնան գերակտիվ: Այն սովորաբար ազդում է ափերի, ներբանների, թևատակերի և երբեմն դեմքի վրա (տեղային կամ ֆոկալ գերքրտնարտադրություն) և կարող է սաստկանալ, երբ հուզված եք կամ զգում եք ուժեղ սթրես: Այս տեսակի հիպերհիդրոզի համար որևէ առողջական պատճառ չկա: Այն կարող է հանդիպել ընտանիքներում (ունի ժառանգական բնույթ):

Երկրորդային հիպերհիդրոզն առաջանում է հիմքում ընկած առողջական վիճակի կամ որոշակի դեղամիջոցների ընդունման հետևանքով, ինչպիսիք են ցավազրկողները, հակադեպրեսանտները և շաքարային դիաբետի բուժման և հորմոնային որոշ դեղամիջոցներ: Այս տեսակի հիպերհիդրոզը կարող է առաջացնել քրտնարտադրություն ամբողջ մարմնում (համատարած կամ գեներալիզացված գերքրտնարտադրություն): Հիվանդությունները և վիճակները, որոնք կարող են առաջացնել այն, ներառում են՝

  • շաքարային դիաբետ
  • ցածր արյան շաքար (հիպերգլիկեմիա)
  • դաշտանադադարի ջերմահորդանքներ
  • վահանաձև գեղձի խնդիրներ
  • քաղցկեղի որոշ տեսակներ
  • նյարդային համակարգի խանգարումներ
  • վարակներ:

Որոշ դեղեր նույնպես կարող են առաջացնել առատ քրտնարտադրություն, ինչպիսիք են հակադեպրեսանտները, կորտիզոնները, Նիկոտինիաթթուն (Նիացին), Տամօքսիֆենը, Հիդրալազինը և ջերմիջեցնողները:

Հոդվածը տեղադրվել է՝ 16-05-2023 վերանայվել է՝ 16-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով