Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Առատ կամ անկառավարելի քրտնարտադրությունը հաճախ հանդիպող վիճակ է, որը նաև կոչվում է «հիպերհիդրոզ»։
Առատ քրտնարտադրությունն իր կայունությամբ կարող է լինել խիստ հիասթափեցնող ու մարդուն պատճառել հոգեկան տառապանքներ։ Բուժումը կարող է զգալի կերպով մեղմացնել այս վիճակը։
Ըստ մոտավոր հաշվարկների աշխարհի բնակչության մինչև 2-3%-ի մոտ առկա է անբացատրելի առատ քրտնարտադրություն։ Խիստ տհաճություն պատճառող այս վիճակի «անբացատրելիությունը» նշանակում է, որ այն կախված չէ եղանակից, օդի ջերմաստիճանից կամ մարդու ֆիզիկական ակտիվությունից։
Տարբերում են առատ քրտնարտադրության երկու հիմնական տեսակներ՝
Նորմայում քրտնարտադրությունն ի հայտ է գալիս որպես մարմնի ջերմատվության՝ ջերմաստիճանը նվազեցնող բնական միջոց։ Այն առաջանում է, երբ նյարդային համակարգը ազդանշաններ է ուղարկում մաշկի քրտնագեղձերին, որոնք խթանվում են և սկսում արտադրել առատ քրտինք։ Օրինակ, քրտնարտադրությունը խթանվում է միջավայրի բարձր ջերմության պայմաններում, ֆիզիկական ակտիվության ժամանակ, հուզվելիս, բարկանալիս և այլն։
Սակայն, երբեմն նյարդային համակարգը դառնում է գերակտիվ և խթանում քրտնագեղձերը՝ անկախ միջավայրի ջերմաստիճանից կամ ֆիզիկական և այլ սթրեսի առկայությունից։ Հիպերհիդրոզի նման վիճակները հաճախ ունեն ժառանգական բնույթ և կարող են սաստկանալ, երբ դուք գերգրգռված եք կամ զգում եք ուժեղ սթրես։
Առատ քրտնարտադրությունը կարող է նաև զարգանալ որպես որևէ հիվանդության ախտանշան։ Ավելի հաճախ քրտնարտադրությունն առատանում է հետևյալ հիվանդությունների ժամանակ՝
Որոշ դեղեր նույնպես կարող են առաջացնել առատ քրտնարտադրություն (օրինակ՝ հակադեպրեսանտներ, կորտիզոններ, նիկոտինիաթթու (նիացին), տամօքսիֆեն, հիդրալազին և ջերմիջեցնողներ):
Առատ քրտնարտադրությունն ինքնին առողջությանը վնաս չի հասցնում, թեև հազվադեպ կարող է դառնալ ջրազրկման և մարմնի ջերմության կտրուկ անկման պատճառ։
Այնուամենայնիվ, քրտնոտությունը մարդկանց պատճառում է տհաճություն, ընկճվածություն և հուսահատություն։ Այն կարող է ազդել մարդկանց սոցիալական կյանքի, աշխատանքի, փոխհարաբերությունների և ինքնավստահության մակարդակի վրա։ Որոշ դեպքերում առատ քրտինքը կարող է բարդանալ որքինով, էկզեմայով և ֆիզիկական անհարմարավետության զգացումով (դիսկոմֆորտ)։
Հիպերհիդրոզն ախտորոշելիս բժիշկը ձեզ զննելուց հետո կարող է նշանակել որոշ հետազոտություններ՝ հաստատելու կամ ժխտելու դրա հիմքում ընկած որևէ հիվանդության առկայությունը։
Առատ քրտնարտադրությամբ բազմաթիվ մարդիկ կարող են և չիմանալ, որ կան քրտնագեղձերի ակտիվությունը մեղմացնող որոշ միջոցներ։ Հիպերհիդրոզի ժամանակ բժիշկը կարող է ձեզ տալ որոշ խորհուրդներ և առաջարկել բուժումներ, այդ թվում՝
Դուք կարող եք նպաստել առատ քրտնարտադրության մեղմացմանը հետևյալ պարզ մեթոդներով՝
Չմոռանաք լրացնել քրտինքով կորցրած ջրի քանակը։
